Teodoro López-Cuesta
Teodoro Tomás López-Cuesta Egocheaga (1921, Uviéu – 13 de xunu de 2014, Uviéu) foi un xurista, catedráticu universitariu y académicu español, home destacáu nel ámbitu del Principáu d'Asturies.[2]
Teodoro López-Cuesta | |
|---|---|
| Vida | |
| Nacimientu | Uviéu, 1921 |
| Nacionalidá |
 España |
| Muerte | Uviéu, 13 de xunu de 2014 (92/93 años) |
| Estudios | |
| Estudios | Universidá d'Uviéu |
| Llingües falaes | castellanu |
| Oficiu | xurista, profesor universitariu, escritor |
| Emplegadores | Universidá d'Uviéu |
| Premios | |
| Miembru de |
Real Academia de Xurisprudencia y Llexislación Real Academia de Ciencies Morales y Polítiques Fundación Princesa de Asturias Asociación Católica de Propagandistas (es)  |
 | |
_GC.svg){kind=small}
Biografía
editarFíu d'un dirixente de la Federación Socialista Asturiana, llamáu Teodoro, odóntólogo y conceyal d'Uviéu, represaliáu na Guerra Civil con pena de muerte, conmutada dempués por cadena perpetua, López Cuesta consiguió ingresar na Universidá d'Uviéu compaxinando la so formación col trabayu nuna mantequería. Llicencióse en Derechu y, n'ampliando los sos estudios n'Alemaña, se doctoró con premiu estraordinariu con una tesis sobre la integración europea, entá antes de constituyise la Comunidá Económica Europea.
Foi profesor de la universidá uvieína en 1959, onde llegó a ocupar la cátedra d'Economía y Facienda en 1964, en sustitución de Valentín Andrés Álvarez, foi decanu de la Facultá de Derechu, vicerector y rector interín (1975-1977), pa selo dempués como titular (xunetu de 1977-1984), años que coincidieron cola espansión de la universidá que multiplicó por 20 el númberu d'alumnos. Perdió les eleiciones a rector en 1984 frente a Alberto Marcos Vallaure.[3] Foi cofundador de la Escuela Asturiana d'Estudios Hispánicos, de l'Academia Asturiana de Xurisprudencia, académicu de la Real Academia de Xurisprudencia y Llexislación d'España y de la de Ciencies Morales y Polítiques, patronu de la Fundación Príncipe d'Asturies y rector honorariu de la Universidá de Llión, institución qu'ayudó a crear. Foi gallardoniáu cola Orde del Méritu Civil y la Medaya de Plata d'Asturies, y consideráu «unu de los principales actores y partes de la hestoria recién d'Asturies pol gobierno del Principáu.[4]
Referencies
editar- ↑ Identificador del Boletín Oficial del Estado: BOE-A-2000-7206.
- ↑ Marcos Palicio (14 de xunu de 2014). «Fina Teodoro López-Cuesta, el rector que tresformó la Universidá asturiana». La Nueva España. https://www.lne.es/asturias/2014/06/14/fina-teodoro-lopez-cuesta-rector/1600209.html. Consultáu'l 17 de xunu de 2014.
- ↑ Mario Bango (27 d'agostu de 1986). «Teodoro López-Cuesta». El País. https://elpais.com/diario/1986/08/27/ultima/525477603_850215.html. Consultáu'l 17 de xunu de 2014.
- ↑ «creador-de-la escuela-de-la-granda-teodoro-lopez-cuesta/ Muerre'l creador de la Escuela de La Granda, Teodoro López-Cuesta». Asturies Güei. 14 de xunu de 2014. http://www.asturiashoy.es/2014/06/muere-el creador-de-la escuela-de-la-granda-teodoro-lopez-cuesta/. Consultáu'l 17 de xunu de 2014.
Enllaces esternos
editar- Control d'autoridá: enllaz permanente 87778252 al Ficheru d'Autoridaes Virtual Internacional (FAVI-VIAF)
Datos: Q17233277
