The Yellow Kid
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Mickey Dugan, más conocíu como The Yellow Kid, yera un personaxe qu'apaecía na serie At the Circus in Hogan's Alley, una de les primeres tires diaries apaecíes na prensa d'Estaos Xuníos. L'escenariu yera una cai siniestra na que vivíen personaxes curiosos, de poca fachenda, confundíos ente una brañada de xente cosmopolita y anónima. Nesta tira describíase la probitú del barriu nel que se desarrollaba l'acción y eso escandalizaba a la sociedá bienpensante neoyorquina. Ente estos personaxes destacaba un rapaz asiáticu, calvu dafechu, con un mandilón azul (al poco pasaría a ser amariellu) y que s'asemeyaba a un monxu budista. Esti neñu, a les poques selmanes, convertiríase nel verdaderu mocín de les histories. Nel camisón escribíase-y siempre una frase impertinente que camudaba tolos díes y na que s'emplegaba l'argot del barriu.
| The Yellow Kid | ||
|---|---|---|
 | ||
| Creador/a/es | Richard Felton Outcault | |
| Información | ||
| [editar datos en Wikidata] | ||
La tira foi dibuxada pol artista Richard Felton Outcault. La so primera aparición tuvo llugar nel magazine Truth (1894-1895), en blanco y negro, pero algamó mayor popularidá en Nueva York en 1895 cuando entamó a asoleyase nel New York World a partir del 17 de febreru. Foi a partir del 5 de mayu de 1895 cuando s'entamó la edición en color. Outcault foi contratáu pol New York Journal American, del magnate William Randolph Hearst, en 1897, y con él llevó a Yellow Kid. Ante esti fechu Joseph Pulitzer, editor del New York World, encargó a George Luks dibuxar una segunda versión de la tira pal periódicu y, a partir d'entós, Yellow Kid entamó a apaecer simultaneamente en dos periódicos competidores. Les dos versiones finalizaron la so publicación nel añu 1898.
Pola repetición del personaxe y la utilización de los primeros bocadiellos, considérase que Richard Outcault ye'l creador del cómic actual.
La tinta amariella cola que se colloreaba'l camisón de The Yellow Kid acababa tiñendo el resto del papel del periódicu. Por eso, el periodismu sensacionalista lleváu a cabu por esos dos “periódicos amariellos” dio llugar al términu prensa amariella.
Referencies
editarEnllaces esternos
editar- The R. F. Outcault Society's Yellow Kid Site
- Un detalláu artículu que cuenta los anicios, el conteníu, la popularidá y la historia de The Yellow Kid Archiváu 2009-06-17 en Wayback Machine
- Yellow Kid Pinbacks
Datos: Q892228
Multimedia: Yellow Kid
