Theta1 Tauri
Theta1 Tauri (θ1 Tau / 77 Tauri / HD 28307)[8] ye una estrella na constelación de Tauru miembru del cúmulu de les Híades. Comparte la denominación de Bayer «Theta» con Theta2 Tauri, tando les dos estrelles separaes visualmente 337 segundos d'arcu; sicasí, la distancia esistente ente elles —unos 4 años lluz—, paez refugar que formen un verdaderu sistema binariu.
Coordenaes: 
4h 28m 34.498s, 15° 57′ 44.221″
Theta1 Tauri tien magnitú aparente +3,85 y alcuéntrase a 153 años lluz del Sistema Solar. Ye una xigante naranxa de tipu espectral K0IIIb con una temperatura superficial de 4930 K. Ye una de los cuatro xigantes naranxes de les Híades, xunto a Ain (ε Tauri), Hyadum I (γ Tauri) y Hyadum II (δ1 Tauri). Relluma con una lluminosidá 55 vegaes mayor que la lluminosidá solar y tien un radiu 11,7 vegaes más grande que'l del Sol. La so velocidá de rotación ye de 3,9 km/s, dando llugar a un llargu periodu de rotación de 144 díes. Tien una masa averada de 2,5 mases solares y la so edá, envalorada en 640 millones d'años, concuerda cola edá del cúmulu al que pertenez.[9]
Theta1 Tauri ye una estrella binaria, onde la estrella acompañante probablemente ye una nana mariella de tipu F8V con una temperatura d'aproximao 6200 K y el doble de la lluminosidá solar. Un 20% más masiva que'l Sol, completa una órbita alredor de la xigante naranxa cada 16,3 años. Anque la separación media ente dambes componentes ye de 10,3 ~ UA, la notable escentricidá de la órbita fai qu'ésta varie ente 4,4 y 16 UA. El planu orbital ta casi na llinia de visión, inclináu 88º respectu al planu del cielu.[9]
Referencies
editar- ↑ 1,0 1,1 1,2 1,3 1,4 Afirmao en: SIMBAD.
- ↑ Dimitri Pourbaix (setiembre 2004). «SB9: The ninth catalogue of spectroscopic binary orbits» (n'inglés). Astronomy and Astrophysics (2): páxs. 727–732. doi:.
- ↑ 3,0 3,1 3,2 3,3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ «UBV photometry of stars whose positions are accurately known. VII». Astronomy and Astrophysics: páxs. 591–592. 1993.
- ↑ 5,0 5,1 Pablo Mauas (26 xineru 2015). «Stellar parameters and chemical abundances of 223 evolved stars with and without planets» (n'inglés). Astronomy and Astrophysics. doi:.
- ↑ Caroline Soubiran (agostu 2018). «Gaia Data Release 2. The catalogue of radial velocity standard stars» (n'inglés). Astronomy and Astrophysics. doi:.
- ↑ «The Perkins catalog of revised MK types for the cooler stars» (n'inglés). The Astrophysical Journal Supplement Series: páxs. 245–266. ochobre 1989. doi:.
- ↑ 77 Tau -- Spectroscopic binary (SIMBAD)
- ↑ 9,0 9,1 Theta1 Tauri (Stars, Jim Kaler)
Coordenaes: 4h 28m 34.498s, 15° 57′ 44.221″
Datos: Q6145893
