Theta Capricorni (θ Cap / 23 Capricorni / HD 200761) ye una estrella de la constelación de Capricorniu, la cabra de mar, la sesta más brillosa de la mesma con magnitú aparente +4,06. Visualmente alcuéntrase mediu grau al sur de la eclíptica, la llinia aparente por onde «transita» el Sol pol firmamentu a midida que la Tierra muévese alredor d'él. Dacuando recibe'l nome de Dorsum, procedente del llatín «llombu», pola so posición relativa nel cuerpu de la cabra. Alcuéntrase a 158 años lluz del Sistema Solar.

Ficha d'oxetu celesteTheta Capricorni
estrella[1], estrella con movimiento propio alto (es) Traducir[1], near-IR source (en) Traducir[1] y UV-emission source (en) Traducir[1]
Datos d'observación
Ascensión reuta (α) 316,48678531312 °[2]
Declinación (δ) −17,232862837423 °[2]
Distancia a la Tierra 45,6519 pc
Magnitú aparente (V) 4,07 (banda V)
Magnitú absoluta 0,6
Constelación Capricorniu
Velocidá de rotación 110 km/s[4]
Velocidá radial −10,9 km/s[5]
Parallax 21,9049 mas[2]
Carauterístiques físiques
Radiu 2,7 Radius solars
Masa 2,24 M☉
Gravedá superficial 20 000 cm/s²[4]
Tipu espectral A1V[6]
Otros nomes
Cambiar los datos en Wikidata

Coordenaes: Sky map 21h 5m 56.828s, -17° 13 58.306

Theta Capricorni ye una estrella de la secuencia principal de tipu A, asitiada nel estremu caliente dientro del so tipu, con una temperatura superficial de 9620 K. De tipu espectral A1V,[7] ye 52 vegaes más lluminosa que'l Sol. Del mesmu tipu espectral que Siriu, la so lluminosidá ye'l doble de la d'ésta, consecuencia de la so mayor masa, equivalente a 2,5 mases solares. La so edá envalórase en 360 millones d'años.[8] El so radiu ye 2,6 vegaes más grande que'l radiu solar y tien una velocidá de rotación nel ecuador de siquier 114 km/s, que correspuende a un periodu de rotación de menos de 1,1 díes. El so espectru indica que ye rica en ciertos elementos pesaos (el so conteníu de siliciu ye'l doble que nel Sol y el de sodiu ye 10 vegaes mayor) anque deficitaria en heliu.[8]

Theta Capricorni ye una binaria espectroscópica. La estrella acompañante emplega 840,6 díes en completar una órbita en redol a la estrella principal.[9]

Referencies editar

  1. 1,0 1,1 1,2 1,3 Afirmao en: SIMBAD.
  2. 2,0 2,1 2,2 2,3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
  3. Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
  4. 4,0 4,1 Marwan Gebran (mayu 2016). «A new method for the inversion of atmospheric parameters of A/Am stars» (n'inglés). Astronomy and Astrophysics. doi:10.1051/0004-6361/201528052. 
  5. «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11):  páxs. 759–771. payares 2006. doi:10.1134/S1063773706110065. 
  6. Anne Cowley (abril 1969). «A study of the bright stars. I. A catalogue of spectral classifications.» (n'inglés). The Astronomical Journal:  páxs. 375–406. doi:10.1086/110819. 
  7. Theta Capricorni (SIMBAD)
  8. 8,0 8,1 Theta Capricorni (Stars, Jim Kaler)
  9. Theta Capricorni (The Bright Star Catalogue)

Coordenaes:   21h 5m 56.828s, -17° 13 58.306