Tierra de Pinares
Tierra de Pinares ye una contorna natural española asitiada na comunidá autónoma de Castiella y Llión, y entiende el norte de la provincia de Segovia y el sur de la provincia de Valladolid. Tamién s'estiende pel este de la provincia d'Ávila (Valle del Alberche y Tierra de Pinares).
Nella concéntrase una masa forestal compuesta de les especies pinus pinaster y pinus pinea.
La zona segoviana editar
Dientro de la parte correspondiente al norte de la provincia de Segovia asítiase la villa de Cuéllar, amestada históricamente al aprovechamientu forestal y tresformamientu de la madera y autodefinida dende va años como Islla mudéxar en mar de pinares.[1] Na actualidá cunta con un importante númberu d'industries dedicaes a la industria del mueble, y utiliza como escaparate un certame dedicáu al mesmu, enmarcáu dientro de la Feria de Cuéllar, na qu'emplega 1.500 metros cuadraos pal mueble y la decoración, y cuenta con más de 50.000 visitantes.[2][3] Mientres el sieglu XX foi una más de tantes poblaciones castellanes dedicaes a la producción de la resina, industria que volvió rehabilitar nel sieglu XXI.[4] La patrona de la so Comunidá de Villa y Tierra, La nuesa Señora d'El Henar foi proclamada por Pío XII en 1958 patrona de los resineros d'España, y coronada canónicamente en 1971 por Pablo VI.
Tamién la villa de Coca (Segovia) apaez amestada a lo llargo de la historia a los mesmos aprovechamientos forestales, incluyíu'l de la resina, que tamién esplota na actualidá, según Nava de la Asunción y otros pueblos axacentes.[5]
La zona vallisoletana editar
Dientro de la zona de Tierra de Pinares que s'asitia na provincia de Valladolid atopa la ciudá de Pedrajas de San Esteban, destacada pola ellaboración del piñón, fechu pol que se autodefine El Piñón d'España.[6] Otres villes de la zona son Íscar y Portillo, tamién dedicaes a la industria de la madera, o Boecillo, en que'l so Parque Teunolóxicu, ente otres empreses, tópase ARESA, encargada de fabricar unu de los componentes básicos de les ales de los AirBus, lo que convierte a la llocalidá n'unu de los principales focos de desenvolvimientu industrial de la comunidá. Olmedo destaca por tener un gran valor históricu. Estrémase d'otres contornes de valladolid pola so orografía carauterística, esto ye, si nel Campu del Pisuerga el suelu ye de magre, la tierra de pinares ta cubierta de sable.
Patrimoniu históricu y natural editar
La mayor parte de les poblaciones más importantes destacan por tar declaraes conxuntu históricu-artísticu, como ye'l casu de Cuéllar. Otros exemplos son el castiellu de Coca y los restos del castiellu de Íscar, el mudéxar de Olmedo y Mojados o la ilesia parroquial y l'ermita de Sacedón en Pedrajas de San Esteban.
No que refier a Cuéllar destaca'l castiellu de los duques de Alburquerque, que perteneció a Beltrán de la Cueva, valíu d'Enrique IV de Castiella; la muralla de la Villa, unu de los conxuntos muraos más importantes y meyor calteníos de la comunidá autónoma y pol so focu d'arquiteutura mudéxar, el más numberosu de Castiella y Llión.[7][8] Cuenta amás con un nutríu grupu d'ilesies, monesterios y cases solariegas y palacetes pertenecientes a l'antigua burguesía, como ye'l casu del palaciu de Santa Cruz, el palaciu de los Rojas o'l palaciu del rei Pedro I.
La zona de Tierra de Pinares ye un exemplu de guapura natural. Nes paraxes de Sacedón (Pedrajas de San Esteban) y Ponte Blanca (Íscar), nes riberes de los ríos como'l Eresma y el Cega o nos sos miles d'hectárees de pinar, ta claro que Tierra de Pinares ye una contorna con naturaleza pa dar y tomar. La Comunidá de Villa y Tierra de Cuéllar, que na actualidá tópase circunscrita en dambes provincies, cuenta con 12.000 hectárees de monte y pinar, y destaquen les llagunes y güelgues, como El Espadañal, convertíu n'observatoriu ornitolóxicu dende va décades.
Ver tamién editar
- Provincia de Segovia
- Provincia de Valladolid
- Provincia d'Ávila
- Gastronomía de la provincia de Segovia
- Gastronomía de la provincia de Valladolid
- Gastronomía de la provincia d'Ávila
Referencies editar
- ↑ Sanz, Marta (2007). «Isla mudéjar y ecológica». El País (14 de xunetu). http://elviajero.elpais.com/articulo/viajes/Isla/mudejar/ecologica/elpviavia/20070714elpviavje_6/Tes.
- ↑ La Feria de Cuéllar, punto de encuentro de la provincia el fin de semana
- ↑ La XXV Feria de Cuéllar cierra sus puertas con más de 51.500 visitantes
- ↑ La Sociedad Resinas Naturales impulsa la actividad del sector en Cuéllar (Segovia)
- ↑ El aprovechamiento de resinas de Coca, ejemplo para el Tiétar
- ↑ Ayuntamiento de Pedrajas de San Esteban: Certamen de Novilleros "El Piñón de España"
- ↑ Ayuntamiento de Cuéllar. «Las murallas». Archiváu dende l'orixinal, el 7 d'agostu de 2009. Consultáu'l 1 d'abril de 2011.
- ↑ Llorente, Juan C. (1988). «Aportaciones al libro "Segovia Románica" de J. M. Santamaría». Revista "Decir" (26). páx. 16.
Datos: Q1074107
