Tierra de Wilczek
La Tierra de Wilczek (rusu: Земля Вильчека, Zemlya Vil'cheka) ye una gran islla asitiada nel archipiélagu árticu de Tierra de Francisco Xosé, n'agües del océanu glacial Árticu.[1]
| Tierra de Wilczek | |
|---|---|
 | |
| Situación | |
| País |  Rusia |
| Óblasts | Óblast d'Arcánxel |
| Tipu | islla |
| Parte de | Tierra de Franciscu Xosé |
| Asitiáu en | Océanu Glacial Árticu |
| Coordenaes | 80°35′N 60°30′E / 80.58°N 60.5°E |
  Tierra de Wilczek Tierra de Wilczek (Rusia) | |
| Datos | |
| Altitú media | 606 m |
| Superficie | 2203 km² |
| Población | 0 |
| Fusu horariu | UTC+04:00 |
| Llonxitú | 57 km |
 | |
Alministrativamente, pertenez al óblast d'Arcánxel, Federación de Rusia.
Xeografía
editarLa tierra de Wilczek ye la segunda islla de mayor estensión del archipiélagu, y ta casi dafechu cubierta por glaciares, sacante dos estrechos a lo llargo de les sos mariñes occidentales. El cabu Ganza ye'l puntu más occidental de la islla, el puntu de más altor tien 606 m.
La islla alcuéntras na parte suroccidental del archipiélagu, ente les siguientes islles:
- Al oeste, la islla Graham Bell, a unos 5,7 km, dixebraes pel estrechu de Morgan;
- Al norte, la islla La Roncière, a unos 8,7 km;
- Al este, la Islla Wiener Neustadt, a unos 11,5 km;
- La islla Komsomolskiye, una islla más pequeña, a unos 8,5 km;
- La islla Hall (Árticu), a unos 10 km, dixebraes pel estrechu de los austriacos.
Isles axacentes
editarLa mariña de la islla ta bordiada por delles islles y castros riberanos, siendo los principales:
- Islla Klagenfurt, una pequeña islla alcontrada a unos 9 km de la mariña, frente a la badea de la mariña meridional. Esta islla debe'l so nome a Klagenfurt (n'eslovenu, Celovec), la capital de Carintia.
- Castros Gorbunova, dos pequeños castros alcontraos a menos de 1 km de la mariña, frente a unu de los cabos del tramu central de la mariña oriental (80°34′N 62°01′E / 80.567°N 62.017°E 80°34′N 62°01′E / 80.567°N 62.017°E / 80.567, 62.017), llamaos asina n'honor al naturalista rusu Grigori Petrovich Gorbunov (1894-1938).
- Un grupu de cuatro castros asitiaos a 1,5 km de la mariña, frente al cabu más meridional de la islla, llamaos (de NE a SW):
- Castru Derevianni
- Castru Davis, nomada n'honor del navegante de L'Antártida John King Davis.
- Castru Mak-Nulta
- Castru Tilal, nomada n'honor del cartógrafu ucranianu Oleksi Tilal (1839-1900). Esta islla nun tien de confundise cola islla Tilal del mar de Kara.
Historia
editarLa Tierra de Wilczek foi afayada y nomada pola Espedición austrohúngara al Polu Norte, qu'afayó l'archipiélagu de la Tierra de Francisco Xosé, en reconocencia a Johann Nepomuk, conde de Wilczek, el más importante patrocinador de la espedición.[2]
Esta islla nun tien de confundise cola pequeña islla Wilczek, alcontrada al suroeste de la islla Salm, tamién nel archipiélagu Tierra de Franciscu Xosé y que tamién foi nomada n'honor de la mesma persona.
El cabu Heller (80°46′N 59°36′E / 80.767°N 59.600°E 80°46′N 59°36′E / 80.767°N 59.600°E / 80.767, 59.600) foi'l sitiu d'ivernada de dos miembros de la Espedición Welle de 1899, mientres esperaben el regresu del equipu qu'atacó'l Polu.
Referencies
editar- ↑ «mapio.net - Mapa de Tierra de Wilzcek». Archiváu dende l'orixinal, el 2023-07-05.
- ↑ John Nepomuk Graf Wilchek