Tim McIntire
Tim McIntire (19 de xunetu de 1944, Los Angeles – 15 d'abril de 1986, Los Angeles) foi un actor cinematográficu y televisivu d'Estaos Xuníos, conocíu principalmente pola so interpretación del disc jockey Alan Freed nel filme American Hot Wax (1978). Amás, encarnó al cantante de country George Jones nel telefilme de 1981 Stand By Your Man, basáu na autobiografía de la so pareya, la tamién cantante Tammy Wynette.
Tim McIntire | |
|---|---|
| Vida | |
| Nacimientu | Los Angeles, 19 de xunetu de 1944[1] |
| Nacionalidá |
 Estaos Xuníos |
| Llingua materna | inglés |
| Muerte | Los Angeles, 15 d'abril de 1986[1] (41 años) |
| Sepultura | Montana |
| Causa de la muerte | insuficiencia cardiaca |
| Familia | |
| Padre | John McIntire |
| Madre | Jeanette Nolan |
| Estudios | |
| Llingües falaes | inglés |
| Oficiu | músicu, actor, actor de televisión, actor de cine |
| IMDb | nm0532838 |
 | |
Biografía
editarNacíu en Los Angeles, California, McIntire foi coprotagonista del episodiu piloto de 1968 Justice For All, que daría llugar a la serie All in the Family, na cual el so personaxe foi interpretáu por Rob Reiner.
McIntire tamién trabayó en The Sterile Cuckoo (1969), The Gumball Rally (1976), Patrullar de los inmorales (1977), Brubaker (1980) y Sacred Ground (1983. Tamién tuvo un papel en Shenandoah (1965), encarnando a unu de los fíos de James Stewart. Esi mesmu añu trabayó na serie western de Christopher Jones pa l'ABC The Legend of Jesse James.
Na so faceta de músicu, McIntire compunxo pa la banda sonora de filmes como Les aventures de Jeremiah Johnson (1972) y Un rapazu y el so perru (1975), dando nesta última voz al perru del títulu. Amás, McIntire tamién fixo trabayu como actor de voz pa diversos anuncios televisivos y radiofónicos en Los Angeles.
Al pie de seis músicos d'estudiu, McIntire formó una banda llamada Funzone, que llanzó un álbum del mesmu nome en 1977.[2] McIntire apaecía como cantante, guitarrista y violín. En sumiendo'l sellu discográficu que lu producía, la banda se disolvión, dedicándose McIntire a partir d'entós a les bandes musicales.
McIntire yera fíu de los actores John McIntire (1907–1991), conocíu pol so trabayu nes series Wagon Train y The Virginian, y Jeanette Nolan (1911–1998), protagonista de más de trescientes actuaciones televisives y nomada a cuatro Premios Emmy. Tim McIntire, John McIntire, y Jeanette Nolan actuaron xuntos nun episodiu de The Fugitive tituláu "Ill Wind," emitíu'l 8 de marzu de 1966.[3]
Tim McIntire tuvo grandes problemes col alcohol y les drogues, que, combinaes cola so gran complexón, contribuyeron a que finara a los 41 años d'edá en Los Angeles, California, por causa d'una insuficiencia cardiaca. Foi soterráu nel Campusantu Tobacco Valley de Eureka (Montana)
Referencies
editar- ↑ 1,0 1,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ http://www.discogs.com/Funzone-Funzone/release/891410
- ↑ IMDB: The Fugitive: Ill Wind
Enllaces esternos
editar- Tim McIntire na Internet Movie Database (n'inglés)
´
Datos: Q3528672
