Tony Cox

Joseph Anthony «Tony» Cox (31 de marzu de 1958, Uniontown ^(es) ) ye un actor d'Estaos Xuníos, conocíu poles sos interpretaciones nes películes Bad Santa, Me, Myself & Irene, Date Movie, Epic Movie y Disaster Movie, onde siempres tien un papel humorísticu. Amás, protagonizó'l papel d'Ework na película Star Wars: Episode VI - Return of the Jedi. Coles mesmes, Cox tamién apaeció nel videu musical «Just Lose It» d'Eminem.

Tony Cox
Vida
Nacimientu	Uniontown (es) , 31 de marzu de 1958 (66 años)
Nacionalidá	Estaos Xuníos
Estudios
Llingües falaes	inglés
Oficiu	actor de televisión, actor de cine, actor
IMDb	nm0185272

Primeros años

Josep Anthony Cox nació en Nueva York, Estaos Xuníos el 31 de marzu de 1958, careciendo dende entós nanismu. Magar esto, pasó la so infancia n'Uniontown, Alabama, cola so güela y el so güelu, Lottie y Henry Jones, dempués del divorciu de los sos padres. Tres esto, Cox asistió a la escuela secundaria, onde conoció a Otelia, con quien se casó con ventitrés años. Dempués de graduase na escuela secundaria, Cox asistió a la Universidá d'Alabama y tenía previstu estudiar música. Al respective de esto, Cox dixo: «Decidí pol mio oyíu. Yera esautamente como en Drumline. Intenté escuchar el soníu de los tamboriteros de la escuela, pero nesi momentu entendí que yo nun entendía la música».

Carrera

Pocu dempués, Cox decidió dedicase a l'actuación al conocer a Billy Barty, un actor y tamién fundador de la organización Little Peole of America. Sofitáu polos sos familiares y amigos, treslladóse a Los Angeles con dieciocho años y empezó a tomar clases d'actuación nuna escuela d'interpretación y, darréu empezó a trabayar en comerciales. Darréu a esto, Tony fíxose más conocíu pol so papel de Marcus en Bad Santa y d'Indiana Jones en Disaster Movie.

Enllaces esternos

• Tony Cox na Internet Movie Database (n'inglés)
• Tony Cox n'AllMovie (n'inglés)

• Datos: Q589797