Tribunal internacional de los derechos humanos
El Tribunal internacional de los derechos humanos (TIDH)[1][2][3] tuvo llugar en Viena del 9 al 12 de xunu de 1995. La República d'Austria foi acusada por cuenta de la persecución y discriminación de lesbianes, homosexuales, bisexuales y persones transexuales n'Austria ente los años 1945 hasta 1995. El motivu foi la celebración de los 50 años de la Segunda República d'Austria. La presidencia tuvo al cargu de Freda Meissner-Blau, formadora del partíu verde y Gerhard Oberschlick, editor de la revista FORVM. L'acusación foi conducida pol activista de los derechos humanos, Christian Michelides.
| Tribunal internacional de los derechos humanos | |
|---|---|
| organización | |
 |
Decisión d'Execución
editarLa realización del Tribunal tuvo propuestu por Michelides, na sesión de clausura del Foru austriacu Lésbicu y Gai el 1 de payares de 1994 nel centru Rosa Lila Villa en Viena. Mientres s'aldericaba la votación hubo crítiques pol usu del términu Tribunal, anque Gudrun Hauer pudo convencer a l'asamblea, que la referencia, según el Tribunal Russell venía al casu. Tamién se duldar de que la comunidá LGTB tuviera la fuercia abondo de traer un procesu asina d'ambiciosu. De toes maneres la propuesta foi aprobada mayoritariamente.[4]
Na dómina del Tribunal, nel añu 1995, persistía entá l'amenaza de dos Códigos penales, que prohibía toes la manisfestaciones n'espacios públicos de los activistes LGBT n'Austria: Parágrafu §220 del Códigu Penal contra la Publicidá de rellacionase con persones del mesmu sexu o con animales“ tuvo catalogáu al mesmu nivel y con una pena d'hasta seis meses de presidiu, y el Parágrafu §221 catalogó toles Xuntes que fomenten les rellaciones del mesmu sexu“ como un delitu, igualmente con seis meses d'arrestu. En términos llegales, tendríen de ser llevaos tolos participantes del Tribunal al xulgáu y condergaos a prisión.
El comité internacional
editar
Debíu a la medrana por actos represivos de parte de la república austriaca, los organizadores pidieron a conocíes personalidaes internacionales formar parte del comité internacional del TIDH protexendo d'ésta manera'l proyeutu. Anque la reina Margarita II de Dinamarca nun pudo decidise a tomar el cargu como presidenta, hubo un sofitu mundial. Ente los miembros del comité internacional cuntar con: Jacques Gaillot, obispu de Partenia, los diputaos europeos Mel Read (Gran Bretana) y Claudia Roth (Alemaña), el políticu canadiense Svend Robinson y les parllamentaries austriaques Terezija Stoisits y Doris Kammerlander (dambes del Partíu de Los Verdes), Irmtraud Karlsson, Elisabeth Pittermann y Annemarie Reitsamer (toes pertenecientes del Partíu Socialdemócrata d'Austria), amás de los escritores Erica Fischer, Kuno Knöbl, Christine Nöstlinger, Gerhard Roth y Ingrid Strobl, l'espertu en mediu ambiente Robert Chambers (Frankfurt), el sociólogu Bernd Marin y l'espertu en derechos humanos Manfred Nowak (dambos de Viena) el politólogu Anton Pelinka (de Innsbruck), según otros profesores de Moscú, San Petersburgu, Vancouver, Utrecht y Preston. Coles mesmes formaron parte una llista d'espertos en derechos humanos, publicistes y activistes de grupos de lesbianes, homosexuales y transexuales de Bélxica, Dinamarca, Francia, Holanda y Perú.
El senáu
editarSo la presidencia de Meissner-Blau y Oberschlick tuvo llugar la xunta ente'l senáu y el TIDH cola participación de destacaes personalidaes de la sociedá civil austriaca. Participaron el teólogu Kurt Lüthi, los filósofos Rudolf Burger y Oliver Marchart, los escritores Josef Haslinger, Doron Rabinovici y Katharina Riera, los políticos Friedrun Huemer (Partíu de Los Verdes) y Volker Kier (Foru Lliberal), l'actriz Mercedes Echerer, los sicoterapeutas Rotraud Perner, Alfred Pritz y Jutta Zinnecker, el xuez Norbert Gerstberger, los abogaos Nadja Lorenz y Alfred Noll, l'investigador cultural Dieter Schrage, cuatro periodistes, un editor, trés sindicalistes, dos doctores, según un llistáu de defensores de los derechos humanos. La composición del xuráu camudó en caúna de les demandes – tomando en cuenta la conocencia de la temática de los integrantes del senáu. Por casu, pola acusación del séptimu puntu - discriminación nel espaciu públicu - el senáu tuvo compuestu xunto a dambos presidentes por cuatro periodistes, un editor, un sociólogu, l'escritor Haslinger, el teólogu Lüthi, l'actriz Echerer y la sicoterapeuta Perner.
La demanda
editarL'activista de derechos humanos Christian Michelides actuó como Abogáu Xeneral. Coordinando d'esta miente un equipu de destacaos representantes del movimientu LGBT austriacu, incluyendo al HOSI Wien y los sos activistes Gudrun Hauer, Kurt Krickler und Waltraud Riegler, según representando al movimientu de los transexuales Elisabeth Piesch. Los demandantes sofitaben demandes en siete ámbito:
- Derechu penal y constitución
- Estáu civil, Familia, matrimoniu, convivencia non marital
- Indemnización con al respective de la persecución nazi
- El Sida y les sos consecuencies sociales
- Prisión, siquiatría, el serviciu militar, policía y asilu políticu
- Discriminación nel llugar de trabayu
- Discriminación nel espaciu públicu
Fueron llamaos testigos col enfotu de documentar les acusaciones. Los testigos informaron alrodiu de la persecución per parte de la policía, detenciones, tratamientos siquiátricos ya inclusive aplicación de descargues llétriques, despidos nel trabayu y humildación pública.
En cada unu d'estos siete ámbitos la república austriaca tuvo acusada de nun respetar el tratáu robláu de Declaración Universal de los Derechos Humanos alcordáu na Asamblea Xeneral de les Naciones Xuníes en París l'añu 1948.
La defensa
editarEn seis de los siete demandes el banquín de los acusaos tuvo vacíu. La República d'Austria negó defendese. La mayoría de los representantes políticos inoraron la invitación o fueron tresferíes a los sos correspondientes departamentos, que nun respondieron. Namái una detallada carta de Roland Miklau, un xefe de seición del Ministeriu de xusticia, expilcó el por qué decide nun tomar parte del tribunal.
Sicasí nel primer día del tribunal, el parllamentariu Johannes Jarolim dirixente de la socialdemocracia decide tomar asientu nel banquín de los acusaos como amicus curiae. El nun defende la República d'Austria sinón qu'esclaria la so aprobación sobremanera de l'acusación con al respective de la necesidá de cambeos del derechu penal. Aludió la negativa a los socios de coalición, el Partíu Popular Austriacu, qu'entós daquella cualquier cambéu nesi ámbitu bloquiaba.
Siete sentencies
editarLa república austriaca foi condergada en tolos siete ámbitos. Sicasí'l senáu nun tuvo acordies con tolos pormenores de la demanda. Como por casu – nel puntu 1 del l'acusación - el fiscal solicitaba la cancelación de la llei de pornografía. El senáu nun aprobó esta demanda.
Referencies
editar- ↑ Wiener Zeitung, 10 de Xunu, 1995: Österreich auf der Anklagebank. [Austria al banquín de los acusaos]
- ↑ Internationales Menschenrechts-Tribunal: 50 Jahre Zweite Republik - 50 Jahre Unterdrückung von Lesben und Schwulen. Wien, 9. bis 12. Juni 1995, Vorsitz: Freda Meissner-Blau und Gerhard Oberschlick. [Tribunal internacional de los derechos humanos: 50 años de la Segunda República d'Austria - 50 años Persecución de Lesbianes y Homosexuales; programma del Tribunals]
- ↑ Christian Michelides: Die Republik ist schuldig. Homosexualität und Strafrecht in Österreich, Teil 2: Die Verurteilungen seit 1950, en: Lambda Nachrichten 1/1996, 38-40 [La República ye culpable. Homosexualidá y el Derechu Penal n'Austria. Segunda parte: Les condenes dende 1950]
- ↑ Die Resolutionen des 4. Österreichischen Lesben- und Schwulenforums Alpenglühen, Diskussionsbeiträge und Entscheidungen des Plenums vom 1. November 1994, Wien 1996, 17 [Los resolvimientos del cuartu Foru austriacu Lésbicu y Gai Alpes encesos, “Apurras y artículos de discutiniu y decisiones de l'Asamblea del 1 de payares de 1994]
Datos: Q6051002
Multimedia: International Human Rights Tribunal
