Trubiecu de la Humanidá

Sitios d'homínidos fósiles de Sudáfrica
Patrimoniu de la Humanidá — UNESCO
	Excavación nes cueves de Sterkfontein.
Llugar	Sudáfrica
Criterios	Cultural: III, VI
Referencia	915
Inscripción	1999 (XXIII Sesión)
Área	África

El Trubiecu de la Humanidá ye un conxuntu de xacimientos paleontolóxicos y arqueolóxicos designaos pola Unesco en 1999 como Patrimoniu de la Humanidá, que s'atopen allugaos a unos 50 quilómetros al noroeste de Johannesburgu, Sudáfrica.

Anguaño cubre 474 km²; contién un complexu de cueves de piedra caliar, incluyendo les Cueves de Sterkfontein, onde s'atopó'l fósil Australopithecus africanus (moteyáu «Señora Ples», de 2,3 millones d'años, nel añu 1947 pol Dr. Robert Broom y John Robinson, según la Cueva Maravía. L'afayu ayudó a acotar el descubrimientu del craniu d'un mozu Australopithecus africanus en 1924 llamáu'l «Neñu de Taung», por Raymond Dart, en Taung na Provincia Noroeste de Sudáfrica, onde entá siguen les escavaciones. L'añu 1997 el paleoantropólogo Ronald J. Clarke afayó la cadarma casi completa d'un Australopithecus, moteyáu «Pie Pequeñu», que data de siquier 3,3 millones d'años. L'usu controláu del fueu en Swartkrans foi envaloráu en más d'un millón d'años d'antigüedá.

Los homínidos probablemente habitaron tol continente africanu^{[ensin referencies]}, pero namái s'atoparon los sos restos en sitios en que les condiciones dexen la formación y preservación de fósiles. Los restos d'homínidos del Trubiecu de la Humanidá atópense fosilizaos nos rellenos de cueves dolomítiques, de cutiu encaxaos nun amiestu de caliares y fiendes.

El 7 d'avientu de 2005, el presidente surafricanu Thabo Mbeki abrió un nuevu centru pa los visitantes, el Maropeng, nesti mesmu sitiu. [1]

Esti llugar Patrimoniu de la Humanidá tien diverses llocalizaciones:

Códigu	Nome	Llugar	Coordenaes	Añu
915-001	Sterkfontein, Swartkrans, Kromdraai y contorna	Krugersdorp, Gauteng	25°55′45″S 27°47′20″E / 25.92917°S 27.78889°E / -25.92917; 27.78889	1999
915-002	Valle de Makapan	Mokopane (Potgietersrus), Limpopo	24°9′31″S 29°10′37″E / 24.15861°S 29.17694°E / -24.15861; 29.17694	2005
915-003	Xacimientu del craniu fósil de Taung	Taung, Noroeste \| 27°37′10″S 24°37′59″E / 27.61944°S 24.63306°E / -27.61944; 24.63306	2005

Trubiecu de la Humanidá

Referencies

Enllaces esternos