Unukalhai
Unukalhai (α Ser / α Serpentis / 24 Serpentis) ye la estrella más brillosa de la constelación de Serpens, la culiebra, asitiada na parte occidental de la mesma (Serpens Caput).
Nome
editarUnukalhai, según les sos variantes Unuk, Unuk al Hai o Unuk Elhaia, proceden del árabe عنق الحية, cunuq[o] al-ħayya[h], y signifiquen «el pescuezu de la culiebra».[10] Otru nome menos frecuente, Cor Serpentis, provién del llatín y significa «el corazón de la culiebra».[10]
Esta estrella puede ser la Lucidus Anguis qu'apaez nes obres Ovidiu y Virxiliu.[11]
Carauterístiques físiques
editarAsitiada a 73 años lluz del Sistema Solar, Unukalhai ye una xigante naranxa de tipu espectral K2IIIb,[12] bien similar a Hamal (α Arietis) y Cebalrai (β Ophiuchi). De magnitú aparente +2,63, la so lluminosidá —incluyida la radiación qu'emite na rexón infrarroxa— ye 70 vegaes mayor que la lluminosidá solar. Con un radiu aproximao 15 vegaes más grande que'l radiu solar, la so enerxía provién del tresformamientu d'heliu en carbonu y oxíxenu.[13] La so temperatura efectivo de 4300 K dexa calificala como xigante naranxa «caliente» y, como tal, emite rayos X, a diferencia de xigantes naranxes más fríes que nun lo faen.[13] Con una masa un 79% mayor que la masa solar, la so metalicidá ye casi un 50% más elevada que l'atopada nel Sol ([Fe/H] = +0,17).[14]
Visualmente Unukalhai tien una compañera de magnitú +11,8 a 58 segundos d'arcu de la estrella principal que nun paez tar físicamente venceyada a ella.[15]
Referencies
editar- ↑ 1,0 1,1 1,2 Afirmao en: SIMBAD.
- ↑ 2,0 2,1 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- ↑ 3,0 3,1 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ «UBV photometry of stars whose positions are accurately known. VII». Astronomy and Astrophysics: páxs. 591–592. 1993.
- ↑ David Latham (7 avientu 2007). «Rotational and radial velocities for a sample of 761 Hipparcos giants and the role of binarity» (n'inglés). The Astronomical Journal (1): páxs. 209–231. doi:.
- ↑ Henrik Jönsson (8 febreru 2017). «Abundances of disk and bulge giants from high-resolution optical spectra. I. O, Mg, Ca, and Ti in the solar neighborhood and Kepler field samples» (n'inglés). Astronomy and Astrophysics. doi:.
- ↑ Henrique Schmitt (20 avientu 2017). «Fundamental Parameters of 87 Stars from the Navy Precision Optical Interferometer» (n'inglés). The Astronomical Journal (1): páxs. 30-45. doi:.
- ↑ Henrik Jönsson (8 febreru 2017). «Abundances of disk and bulge giants from high-resolution optical spectra. I. O, Mg, Ca, and Ti in the solar neighborhood and Kepler field samples» (n'inglés). Astronomy and Astrophysics. doi:.
- ↑ Christopher J. Corbally (ochobre 2003). «Contributions to the Nearby Stars (NStars) Project: Spectroscopy of Stars Earlier than M0 within 40 Parsecs: The Northern Sample. I» (n'inglés). The Astronomical Journal (4): páxs. 2048–2059. doi:.
- ↑ 10,0 10,1 Unukalhai (The Fixed Stars)
- ↑ Allen, Richard Hinckley (1889). «Serpens», Courier Dover Publications: Star Names — Their Lore and Meaning (n'inglés), páx. 563. ISBN 0-486-21079-0.
- ↑ Unukalhai (SIMBAD)
- ↑ 13,0 13,1 Unukalhai. Stars (Jim Kaler)
- ↑ Liu, Y. J.; Zhao, G.; Shi, J. R.; Pietrzyński, G.; Gieren, W. (2007). «The abundances of nearby red clump giants». Monthly Notices of the Royal Astronomical Society 382 (2). páxs. 553-566. http://cdsads.u-strasbg.fr/cgi-bin/nph-bib_query?2007MNRAS.382..553L&db_key=AST&nosetcookie=1.
- ↑ Unukalhai Archiváu 2016-03-04 en Wayback Machine (The Bright Star Catalogue)
Coordenaes: 
15h 44m 16.074s, 6° 25′ 32.263″
Datos: Q1333626
