Xabel10

Bones Xabel10 tas faciendo artículos ensin el formatu propiu de la Uiquipedia y nun ye la primera vez, asina que camudes la forma de facelos o tendré que bloquiate l'accesu demientres un tiempu o de forma permanente. Puedes echá-y un güeyu a esta páxina [[1]], probar na páxina de pruebes o entrugame a min. Un saludu. --Vsuarezp 21:30, 24 Xineru (UTC)

Formatu propiu de la Uiquipedia

Nun sé a que te refieres, podíes ser más esplicitu.

Amás que que yo sepa ye la primer vegada que me lo dicen. Asina que nun atalanto esi tonu amenazante. Vengo a collaborar cola Uiquipedia con tola meyor voluntá, asina qu'esi tipu de llinguax qu'emplegues paezme mui fora de llugar.

Bones, Xabel10. Enantes de nada dicite que creyo que toos tenemos claro que faes les contribuciones cola meyor voluntá y aprovecho p'animate a siguir faciéndolo. Lo que camiento que Vsuarezp quier dicite ye qu'hai delles cosines que tovía nun remanes bien al facer los artículos; si te fixes, tolos artículos de la Uiqui entamen pol nome del artículu formando una frase del tipu: "Les meanes ye un barriu...", y con esi nome en negrina. Amás, nun has escaecete de poner siempre la categoría más afayadiza onde pueda amestase l'artículu que tas faciendo, y nun t'olvides tampoco de los interwikis al mesmu artículu n'otres wikipedies, como pue ser la wiki en castellano. Polo demás, paezme que tán aceptablemente bien escritos. Asina qu'ánimu y a siguir contribuyendo. A propósitu, ¿nun podríes fusionar n'unu los artículos rellacionaos col Real Avilés que creasti ( Avilés Sport Club, Real Avilés Industrial y Stadium Avilesino )? Un saludu --Esbardu 22:24, 24 xineru 2007 (UTC)

Hola Esbardu. Gracies poles tos pallabres. Lo d'entamar los artículos en negrina ye verdá que me pasó per altu, agora que lo sé intentaré nun repetir el fallu. Lo de les categoríes y los interwikis, fuí deprendiéndolu col tiempu.

Y sobre'l tema de fusionar pues desplicámelo un poco, ye que nun sé si al fusionalos desaparecen los artículos o como ye. Un saludu. --Xabel10 23:13, 24 xineru 2007 (UTC)

Bones Xabel10. Perdón si te paeció menazante'l tonu quiciás tuvi d'espresame meyor, pero ye qu'amás confundite con otru usuariu anterior que yá diera problemes nesi sen. Un saludu. --Vsuarezp 0:36, 25 Xineru (UTC)

Nun pasa nada entós. Un saludu.--Xabel10 21:04, 25 xineru 2007 (UTC)

Imaxe con drechu d'autor

Bones. ¿En qué quedó lo de la imaxe que xubieron ensin el to permisu? Acabo de ver el to avisu nel Chigre (siento tardar tanto n'enterame) --Oriciu (alderique) 20:08 8 avi 2015 (UTC)

Si me das un enllaz a la imaxe en Commons puedo intentar ver si lo iguamos. Siento enforma'l to problema, nun me gusta que pasen estes coses. --Oriciu (alderique) 14:36 9 avi 2015 (UTC)

Voi intentar llocalizar al usuariu que la xubió (creo que se quién ye) a ver si él mesmu la retira. Ten preparaes pruebes de que la imaxe ye tuya (valdría con un enllaz a una web o publicación anterior de la imaxe), pero espero que la cosa s'arregle de forma amistosa. Por cierto, si quies puedes siguir la conversación equí mesmo, porque ye más fácil ver tola conversación d'una güeyada y a mi va llegame avisu igual. --Oriciu (alderique) 16:28 9 avi 2015 (UTC)

Como solución temporal, cambié la imaxe del artículu Les Naciones Celtes que ye l'únicu que la usaba. Llegáu el casu, sólo faltaría desaniciar el ficheru de Commons y taría iguáu el problema. --Oriciu (alderique) 17:20 9 avi 2015 (UTC)

Gracies, la imaxe orixinal ye d'una web fecha por min cuantayá: http://asturies.hol.es/celtes3.jpg --Xabel10 (alderique) 17:54 9 avi 2015 (UTC)

Pues yá ta la cosa camín d'iguase. El propiu usuariu, que ye inespertu nestes coses, pidió'l desaniciu del ficheru en Commons. Cuido qu'en dellos díes tará desaniciáu :) --Oriciu (alderique) 20:30 9 avi 2015 (UTC)

Yá ta iguáu el problema. Siento que tardara tantu tiempu. Un saludu. --Oriciu (alderique) 00:59 16 avi 2015 (UTC)

Munches gracies a ti poles molesties. Un saludu y felices fiestes. --Xabel10 (alderique) 11:09 16 avi 2015 (UTC)

Referencies en "Panasturianismu"

Nun voi entrar en si quitar o non el señal de si se borra o non l'artículu, agora bien, nun puedes borrar la referencia a la falta de referencies porque, oxetivamente, nun hai NENGUNA referencia y les declaraciones que se faen nesi artículu son mui dudoses. Asina que, por favor, amesta referencies o dexa l'etiqueta de falta de referencia, esto pretende ser una enciclopedia abierta, non un portal d'anuncios. --Munsterán (alderique) 20:16 25 xnt 2016 (UTC)

Entós améstales. --Munsterán (alderique) 20:32 25 xnt 2016 (UTC)

Si yá sabes onde tán, ponles. Yo lo único que faigo ye notar la falta de referencies, si tas tan interesáu en quitar la señal de "falta de referencia" nun tienes más qu'amestales tu, si non, déxales hasta que daquién complete les referencies. Tienes hasta mañana pa poner les referencies necesaries, si non volveré a esfacer les tos ediciones y falaré con dalgún alministrador pa que s'implique nel asuntu. --Munsterán (alderique) 21:24 25 xnt 2016 (UTC)

Tranquilízate, si vas ponete asina falaremos con un alministrador. Igualmente, non, un son referencies. Nun pues poner nun artículu que "Según Lady Gaga la capital d'Alemaña ye Colonia" y consideralo una referencia, ties qu'utilizar les ferramientes de la Wikipedia pa referenciar y poner la fonte con que demuestres que, correctamente, X persona dixo X. Si faes referencia a un llibru d'un paisanu, tendrás que poner títulu, fecha d'edición y páxina del llibru, si faes referencia a propuestes cuando les autonomíes, entós pones referencies a declaraciones de partíos, artículos de periódicos (la famosa hemeroteca de la que fales), etc. Pa más información, déxote esto: https://es.wikipedia.org/wiki/Wikipedia:Referencias. Pero non, lo que punxisti nun son referencies, pa referenciar fai falta una fonte, y en tol artículu nun hai fontes. --Munsterán (alderique) 21:53 25 xnt 2016 (UTC)

Por cierto, la parte en que me dices "Ye bien fácil: búscales tú.", la Wikipedia ta pa eso, pa informar, non pa que'l lector tenga que buscar. Si non, nun ye una enciclopedia. Ye perimportante qu'entiendas eso, equí les coses nun se ponen pa que "les busques tu", pónense con fontes, xeitu y oxetividá, pa poder informar a quien llea. --Munsterán (alderique) 21:55 25 xnt 2016 (UTC)

Nun tengo nada más que dicir. Bones nueches. --Munsterán (alderique) 22:10 25 xnt 2016 (UTC)

Borráu de panasturianismu

Va tar abierta a lo llargo de 15 díes una consulta nueva de borráu del artículu equí. --Vsuarezp (alderique) 12:25 26 xnt 2016 (UTC)