Villamartín del Sil
Villamartín del Sil ye una llocalidá del conceyu de Páramu del Sil, na contorna d'El Bierzu, provincia de Lleón, Comunidá Autónoma de Castiella y Lleón, España.
 Villamartín del Sil | |
|---|---|
| Alministración | |
| País |  España |
| Autonomía |  Castiella y Lleón |
| Provincia |  provincia de Lleón |
| Tipu d'entidá | llocalidá |
| Xeografía | |
| Coordenaes | 42°45′49″N 6°31′15″W / 42.763611111111°N 6.5208333333333°O |
  Villamartín del Sil Villamartín del Sil (España) | |
 | |
Xeografía editar
El pueblu ta asitiáu a media fastera d'un monte con orientación dominante Oeste, nel valle del ríu Sil. Alcuéntrase al sur del conceyu de Páramu del Sil, atestando col de Toreno. L'altitú media del pueblu ye de 850 msm.
La población ye travesada pela cai Real, que va dende La Portiella hasta El Auteiro, a la fin de Villamartín. Ente elles atopa la plaza del Chano, cola ilesia na so parte este.
Historia editar
Supónse que'l nome vien de Villa de Don Martín, otrora señor de la población. Entá caltiénense restos del castiellu nel que se cree vivió'l noble. Más tarde pasó a ser Villamartín de Rivas del Sil, por cuenta de ser parte del conceyu de Ribas del Sil de baxo, del que la so capital yera'l mesmu Páramu del Sil.
Clima editar
El clima ye templáu oceánicu con un llixeru enclín mediterraneu que se nota en branos dacuando más secos de lo normal, ye asemeyáu al microclima qu'esfruta'l restu d'El Bierzu. Les serondes ya iviernos son frescos y lluviosos y suel ser la dómina de mayor precipitación del añu. La precipitación añal ronda los 1200 mm nos años más lluviosos, o daqué más de 800 mm nos más secos. Por cuenta de la situación xeográfica N-S del valle del Sil nesti tramu, los vientos dominantes son de componente N. El periodu de seca fisiolóxica pa les plantes nun suel entepasar de mes y mediu y los branos suelen dir acompañaos de nubes más o menos frecuentes.
Flora editar
La vexetación ye variada, por cuenta de factores climáticos, orográficos y humanos. Nes partes baxes predominen les praderíes y cultivos de regadío, con nozales, zrezales, pumares y otros frutales. Na parte media entemécense cultivos de castañal (Castanea sativa) con monte baxu y monte altu de rebollu (Quercus pyrenaica). Especies comunes na zona son la escoba (Cytissus scoparius), la zrezal (Prunus avium) o'l pinu montés (Pinus sylvestris). Na parte alta predominen los uzes, hasta llegar a l'altitú máxima de Peña Tendoira (1341 m.) -yá nel términu de San Pedro Mallo-.
Economía editar
Al igual qu'en munches llocalidaes d'esta zona d'El Bierzu, la principal fonte d'ingresos económicos foi tradicionalmente la minería. Ésta complementábase con actividaes de ganadería y agricultura de subsistencia.
Fiestes editar
Les fiestes principales son les de San Roque (16 d'agostu), la de la Octava del Corpus (mes de xunu), la de la Virxe del Rosario, primer domingu d'ochobre; y como fiestes menos relevantes: Les Candeles, con procesión de la Virxe del mesmu nome acompañada del patronu del pueblu San Roque.
Cultura tradicional editar
Caltiénse'l xuegu de los bolos na so variedá lñocal y otros xuegos tradicionales como la billarda.
Referencies editar
Enllaces esternos editar
Wikimedia Commons tien conteníu multimedia tocante a Villamartín del Sil.
Datos: Q11012117
