Villaprovedo

Villaprovedo ye un conceyu y llocalidá de la provincia de Palencia, comunidá autónoma de Castiella y Llión, España.

Villaprovedo
Alministración
País	España
Autonomía	Castiella y Lleón
Provincia	provincia de Palencia
Tipu d'entidá	conceyu d'España
Alcalde de Villaprovedo (es)	Benicio Gutiérrez Aguilar
Nome oficial	Villaprovedo (es)
Códigu postal	34491
Xeografía
Coordenaes	42°30′56″N 4°23′44″W
Villaprovedo Villaprovedo (España)
Superficie	26.42 km²
Altitú	855 m
Llenda con	Villameriel, Abia de las Torres, Espinosa de Villagonzalo y Santa Cruz de Boedo
Demografía
Población	52 hab. (2023) - 40 homes (2019) - 19 muyeres (2019)
Porcentaxe	0% de provincia de Palencia
Densidá	1,97 hab/km²
Más información
Estaya horaria	UTC+01:00
villaprovedo.es

Datos básicos

• Población: 77 habitantes (INE 2007).
• Llatitú: 42º 31' N
• Llargor: 004º 24' O *

Altitú: 855 metros.

Evolución demográfica

1900	1910	1920	1930	1940	1950	1960	1970	1981	1991	2014
516	501	460	462	408	419	373	226	121	87	69

Historia

Los primeros documentos escritos nos qu'apaez citáu Villaprovedo daten de 1190, na cesión que fizo de dichu conceyu Alfonsu VIII de Castiella a la reina Urraca López de Haro, vilba del rei Fernandu II de Llión, xunto a les villes de Vileña, La Vid y Pedralada. El pueblu como tal probablemente yá esistía escontra'l 996. Pol Magüetu de Behetrías (añu 1361) sábese que'l pueblu pertenecía al monesteriu de Santa María la Real de Vileña, fundáu pola reina Urraca.

Ye bien probable qu'esistiera dellos sieglos antes como pueblu o asentamientu de los primeros pobladores, que depués dieron nome al pueblu. Sicasí, nun se sabe quién foi'l primeru que dio nome a aquel primer asentamientu y el porqué púnxo-y el nome de Villaprovedo.

Pocu más podemos dicir de la etimoloxía de dichu topónimu: Villa de Provedo, Villa nes proximidaes del Boedo o frente al Boedo (ríu que crucia'l territoriu del conceyu).

L'allugamientu del pueblu foi siempres el mesmu: Asitiáu nuna zona alta, bien ventilado y sobre construcciones de bodegues, bien necesaries hasta bien entrada la segunda metá del sieglu XX pal caltenimientu del vinu.

Paez que nunca superó los 545 habitantes (273 varones y 272 muyeres nel añu 1904). A partir d'entamos d'esi sieglu, la emigración escontra les ciudaes y al estranxeru foi nota destacada en tolos pueblos de la redolada. Na actualidá (2009) cuenta con una población d'unos 77 habitantes, la mayoría xubilaos. Tan solo queda un pequeñu grupu de mozos, dedicaos na so mayoría a les xeres del campu, nel que se cultiven ceberes casi puramente.

Cascu urbanu

L'actual cascu urbanu de Villaprovedo corresponder en llinies xenerales col que yá había nel sieglu XVI.

Según una antigua tradición, Villaprovedo taba partíu en dos. Más esautamente, cúntase que'l cascu urbanu yera muncho más grande, y que la ilesia de San Sebastián taba nel mediu; sicasí adulces una parte del pueblu sumió. Anguaño nun hai nengún motivu pa creer esta teoría yá que nun queda restu d'edificación dalguna más allá d'onde s'asitia la ilesia.

Llugares y edificios d'interés

• Ilesia de San Sebastián: Templu góticu, edificáu en piedra y lladriyu y con portada barroca. Escelente sepulcru yacente, góticu del sieglu XV.

Fiestes

• San Sebastián: Santu patrón del pueblu y titular de la ilesia parroquial. Celébrase'l 20 de xineru con misa y merienda a la fin de la tarde.

• La Minerva (vienres antes del Corpus Christi): Fiestes del pueblu. Hai misa, procesión y actuación musical pela nueche, los trés díes de fiesta.

• Fiesta del Turista: Primer vienres d'agostu.

• Fiesta del Árbol: El 24 de marzu de 1927 alcordóse celebrar la Fiesta del Árbol. Por tradición oral sábese que nuna d'eses festividaes llantaron los árboles más vieyos del xardín actual de la ilesia, y que los llantaron los escolares.

Bibliografía

FERREROS ESTÉBANEZ, FRANCISCO: Villaprovedo: Reflexos de la so historia.

Enllaces esternos

• Páxina del conceyu

• Datos: Q2047563
• Multimedia: Villaprovedo