Wikipedia:Selmana a sestaferia

Selmana a sestaferia (dende'l día 24 de xunu al 1 de xunetu de 2013)

¿Qué ye?: La Selmana a sestaferia ye un proyeutu que quier reaniciar la Quincena a sestaferia al envís d'ameyorar, enantar y encadarmar los artículos esistentes na Uiquipedia a lo llargo d'una selmana. D'esta miente, lo que se quier ye ufrir y consiguir una mayor calidá del proyeutu d'enciclopedia llibre n'asturianu, faciendo d'esta una erbía más útil y dexando afitada una ferramienta perbona y afayadiza pa esparder el conocimientu n'asturianu na rede.

Tema: Mirar pola calidá (y veracidá) de los artículos rellacionaos colos llugares y xeografía d'Asturies.

Xeres: Enantar entamos. Iguar errores ortográficos, de uiquificación o de conteníu. Iguar plantíes y estandarizales colos artículos venceyaos. Tornar testos d'imaxenes que tean n'otra llingua estremada al asturianu. Estandarizar el rexistru llingüisticu. Categorizar y remocicar les páxines de les mesmes. Añader interwikis (¡Atención!, esto yá nun se fai nes propies páxines sinón amestando l'enllaz en Wikidata coles ferramientes de la izquierda). Poner Coordenaes nos artículos que-yos falten, bien cola plantía correspondiente o usando la plantía Coord.

Avisos: Non tolos artículos qu'han ser iguaos na Selmana a sestaferia apaecen nos enllaces apurríos arriba, polo que ye necesario güeyar categoríes y llistes d'artículos. Exemplu: Non toles plantíes son iguales, ye una cosa a remocicar y nun apaez en nengún enllaz. Nesta edición ye importante procurar nun crear artículos sinón remocicar los yá esistentes.

Participantes: Tolos usuarios tan convidaos a collaborar na Sestaferia. Si quies xunite de mou públicu, amiesta la to firma más abaxo: --Oriciu (alderique) 18:01, 23 xunu 2013 (UTC) (Voluntariu nel «cuartu de máquines») --Asturllionés (alderique) 18:43, 23 xunu 2013 (UTC)