Wikipedia alderique:Artículos de portada

¿Qué vos parecería camudar el tiempu que tá l'artículu como destacáu? Ye que fiede ver tantu tiempu lo mesmu. Yo propongo 15 díes. ¿Propuestes? --Omarete (mensaxes) 13:13, 29 agostu 2005 (UTC)

yo, d'alcuerdu. quince díes ta bien. --Fruela(parpayuela) 13:16, 29 agostu 2005 (UTC)

Como hai cuatro candidatures empataes igual se podíen poner toes como artículu destacáu nos cuatro meses (o quincenes )que vienen: el primer mes (o quincena )ponse ún de los cuatro artículos, el segundu otru y asina hasta'l final. Pa saber per onde empezar pue escoyese l'orde alfabéticu (Bob Dylan, Esperantu, Marie Curie, Neolíticu) o'l cronolóxicu de la propuesta (paezme que ye Marie Curie, Neolíticu, Esperantu, Bob Dylan). Motán 13:56, 4 payares 2005 (UTC)

paezme bien lo que diz Motán. y asina yá nun hai que votalo más vegaes. L'orde que lu esbille Omarete. De toes formes hai dos artículos (Neolíticu y Esperantu) que nun tienen semeyes, si nun m'enquivoco, hai d'atopar daqué, si non ye mui probe. --Fruela(parpayuela) 14:50, 4 payares 2005 (UTC)

Propuesta pa que dellos artículos destacaos dexen de selo

Escribo equí pa nun sobrecargar el Chigre: Hai unos díes quité la estrella de destacaos a Johann Sebastian Bach y a Antón de Marirreguera por tener pocu testu y de pasu proponelos pa Biografíes Destacaes. Pero viendo tolos artículos destacaos que tenemos, veo que los primeros son tan curtios que nun merecen tener la plantía de destacaos. Propongo que Llobu, Les Siete Maraviyes del Mundu Vieyu, Raitán ya Indoeuropéu se-yos quiten la estrella porque si bien nel so tiempu (2005), yeren los meyores artículos que teníemos, colo que xorreció esta Uiquipedia y comparándolos colos artículos destacaos d'otres wikipedies nun merecen esi estatus. Amás, lo de qu'un artículu fuere destacáu y agora non, nun ye un inventu míu, na inglesa hai bastantes artículos qu'hai años fueron featured y agora non. --Bar 15:10, 19 xunetu 2008 (UTC)