Jabiru mycteria
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
El xabirú americanu[2] (Jabiru mycteria) ye una especie d'ave ciconiforme de la familia Ciconiidae; ye la mayor cigüeña del Nuevu Mundu. Con un altor de 120-140 cm y un valumbu (ales esplegaes) de 3 metros, ye una ave inconfundible de les güelgues americanes dende Yucatán hasta la pampa arxentina, siendo abondosa en zones como los llanos venezolanos o'l pantanal. Paezse abondo al so pariente africanu, el marabú, pero a diferencia d'ésti nun come cadabres anque sía carnívoru, prefier pescar dientro de l'agua.
Jabiru mycteria xabirú americanu  | ||
|---|---|---|
 | ||
| Estáu de caltenimientu | ||
 Esmolición menor (IUCN)[1] | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Ciconiiformes | |
| Familia: | Ciconiidae | |
| Xéneru: |
Jabiru Hellmayr, 1906 | |
| Especie: |
J. mycteria ( Lichtenstein, 1819) | |
| Distribución | ||
 | ||
| Consultes | ||
| [editar datos en Wikidata] | ||
Nun ye una ave sociable. Alcuéntrase-y en solitariu; les pareyes constrúin niales avolumaos sobre grandes árboles, con puestes de 2 a 4 güevos.
Ye l'ave voladora más alta de Centru y Suramérica, y la segunda del continente en valumbu solo superáu pol cóndor andín (Vultur gryphus).
En Venezuela conózse-y como garzón soldáu.
Etimoloxía
editarEl so nome provién del idioma guaraní y significa “pescuezu enchíu”, en referencia a la so capacidá d'encher a voluntá los sacos aéreos subcutáneos allugaos nel pescuezu. Na zona norte d'Arxentina recibe dellos nomes populares como "Tuyuyú coral" o "Tuyuyú cuarteleru".
Carauterístiques
editarYe una ave muda, nun tien voces nin cantares y comunícase por aciu golpeteos del picu. La pareya vive xunida pa tola vida. Añu tres años a fines de la seronda, vuelven al so enorme nial allugáu no más alto d'un árbol o palmera pa criar trés o cuatro pichones, que van guarar por veces la fema y el machu. Vive cerca de llagunes y ríos, aliméntase de gran cantidá de pexes, moluscos y anfibios, dacuando tamién come reptiles y pequeños mamíferos. Constrúi'l so nial nel visu de los árboles más altos.
Ver tamién
editar- Ephippiorhynchus asiaticus - jabirú asiáticu
- Ephippiorhynchus senegalensis - jabirú del Senegal
Referencies
editar- ↑ BirdLife International (2009). «Jabiru mycteria» (inglés). Llista Roxa d'especies amenazaes de la UICN 2024. Consultáu'l 12 d'ochobre de 2009.
- ↑ URL de la referencia: http://www.sabencia.net/nomenclator.php.
Enllaces esternos
editar
Wikimedia Commons acueye conteníu multimedia sobre Jabiru mycteria.
| Wikispecies tien un artículu sobre Jabiru mycteria. |
Datos: Q17970- Multimedia: Jabiru mycteria
Especies: Jabiru mycteria
