Xente Gai Astur
Xente Gai Ástur, tamién conocida como XEGA, ye una asociación LGBT non gubernamental, aconfesional y ensin fines codalosos d'Asturies que llucha pola plena equiparación de derechos y contra toa forma de discriminación por orientación o identidá sexual (homofobia, bifobia y transfobia).[1] Forma parte de la Federación Estatal de Lesbianes, Gais, Transexuales y Bisexuales[2]
| Xente Gai Astur | |
|---|---|
organización LGBTQ+ (es)  | |
| Llocalización | |
| Coordenaes | 43°32′04″N 5°40′05″W / 43.53444881°N 5.66808577°O |
  Xente Gai Astur Xente Gai Astur (España) | |
| Historia | |
| Fundación | 1993 |
| Web oficial | |
 | |
Lleva en funcionamientu dende 1993[3] y na actualidá dispón de dellos grupos de trabayu (TRANSgresión, TríbadAS, XEGA Xoven, Grupu Cristianu...). Apocayá ingresó na FELGT (Federación Estatal de Lesbianes, Gais, Transexuales y Bisexuales) p'aunir esfuercios col restu d'asociaciones GLBT d'España.
Actividá
editarEnte delles de les actividaes que desenvuelve l'asociación ensin ánimu d'arriquecimientu destaquen:
- Revista AGE: Asturies Gai, de publicación trimestral, na que se reflexa l'actualidá GLBT d'Asturies, entemecida con entrevistes a personaxes populares ente'l coleutivu (como Alaska, María Jiménez, etc), monográficos, un cómic...[4]
- Premios Triángulu Rosa y Lladriyu Rosa, que se dan en xunu, coincidiendo coles fiestes del Arguyu, pa premiar y castigar respeutivamente a los personaxes públicos que más destacaron nel pasáu añu poles sos aiciones y/o declaraciones referentes al coleutivu GLBT n'Asturies.[5]
- Participación en Día Internacional del Arguyu LGBT n'Asturies, Madrid...
- Participación nel Topu Fartón (chiringu que se pon nes fiestes de San Mateo na Plaza del Riego d'Uviéu) pa recaldar fondos y partir material.[6]
- Organización de: charres de conocíos activistes, escritores, etc.; movilizaciones pa pidir a distintos conceyos que se solidaricen cola causa (colgando la bandera gai'l 28 de xunu, por casu) y munches otres actividaes que contribúin a la visibilidá y l'activismu que, adulces, tán consiguiendo meyores en materia de derechos y aceptación tantu n'Asturies como n'España y el restu del mundu.
- Actividaes en centros educativos[7]
Campaña de prevención del VIH/SIDA
editarUnu de los sos principales campos d'actuación ye la campaña de prevención del VIH/SIDA[8]. Esti llabor tien tres vertientes:
- Concenciar a gais y lesbianes de la importancia d'adoptar práutiques de sexu seguro nes nueses rellaciones sexuales.
- Lluchar contra la discriminación escontra les persones seropositives.
- Denunciar l'usu de la enfermedá del sida como preséu de la homofobia.
- Primir a les alministraciones por que dediquen más esfuercios a la prevención del VIH y al tratamientu y sanamientu del sida.
Referencies
editar- ↑ Xente LGTB ÁSTUR - XEGA
- ↑ Federación Estatal de Lesbianes, Gais, Transexuales y Bisexuales
- ↑ El "Orgullín del Norte" celebra en Xixón los 25 años de Xega trabayando contra l'odiu y la discriminación sexual
- ↑ «Revista AGE». Archiváu dende l'orixinal, el 2018-05-07.
- ↑ La Nueva España
- ↑ La Nueva España
- ↑ Actividaes de Xega en centros educativos de Xixón
- ↑ Comité Ciudadanu Anti Sida d'Asturies
Ver tamién
editarEnllaces esternos
editar- Páxina oficial de XEGA
- AsturieX.com Rede Lliberal Asturiana Archiváu 2018-06-29 en Wayback Machine
- Comité Anti Sida d'Asturies
Datos: Q6169213
