Xosé Antonio García

Xosé Antonio García (Santa Bárbara, Mieres, 1961-1997) fixo estudios de Filoloxía Románica ya Hispánica na Universidá d'Uviéu, interesándose pol afondamientu nes llingües clásiques: llatín, griegu y árabe. Desendolcó una intensa actividá cultural dende los años setenta, dirixendo programes radiofónicos o participando nel mundu editorial. Collaboró en revistes lliteraries como “El cuélebre literario” y “Mallku” (coordinaes pol tamién mierense Nel Amaro) y en “Lletres Asturianes”. Ye autor de dos llibros de poesía: “Cuartetu de la creación” (1989) y “Alcordances d'un home muertu” (1995). Xosé Antón García morrió prematuramente nel añu 1997.

Xosé Antonio García
Vida
Nacimientu	1961
Nacionalidá	España
Muerte	1997 (35/36 años)
Estudios
Llingües falaes	castellanu
Oficiu	escritor

Contemporaneu d'autores de la segunda xeneración como Antón García, Lourdes Álvarez ,Berta Piñán o Humberto Gonzali, desarrolló’l llabor lliterariu alloñáu de xuntances, tendencies y afinidaes grupales, pa componer una de les obres poétiques más fondes, personales y enigmátiques del Surdimientu. Dexó inédita una curtia producción narrativa, tanto n'asturianu como en castellán, ye principalmente un poeta figurativu, esistencialista, que reflexona sobre la condición humana y sobre la muerte.

El 2010, la Conseyería de Cultura y Turismu del Principáu d'Asturies decidió dedica-y la Selmana de les Lletres Asturianes a la so figura.

Enllaces esternos

• Wikimedia Commons tien conteníu multimedia tocante a Xosé Antonio García.

• Datos: Q13148173