Selmana de les Lletres Asturianes

La Selmana de les Lletres Asturianes vien celebrándose, como eventu institucional, dende 1980 coincidiendo cola primer selmana del mes de mayu. Solía tar consagrada a un autor o autora importante de la lliteratura asturiana, si bien la XXVI Selmana de les Lletres (2005) ruempe con esta tradición al tar dedicada a la Poesía (Col títulu de Poesía en Movimientu), daqué que se caltuvo tamién nel 2006, añu nel que tuvo dedicada al Teatru (col títulu de Teatru a Escena).

Homenaxe al Teatro Asturianu.

La Selmana de les Lletres carauterízase por ser una fecha señalada pa munches instituciones y estayes estremaes. Asina, los profesores de llingua y lliteratura asturiana acostumen a adaptar les sos clases al autor al que tea dedicada la selmana (o a la manifestación lliteraria nel so casu), y les autoridaes autonómiques implíquense na defensa del idioma. Asina ye que dende los caberos años vienen celebrándose recitales de poesía na Xunta Xeneral o repartos de llibros o DVDs de baldre.

Amás de los munchos recitales de poesía y actos culturales que se celebren per toa Asturies nesta selmana, destaca nella'l Día de les Lletres, que ye'l momentu cimeru de la selmana nel que la presidencia de l'Academia de la Llingua Asturiana da'l so discursu nun actu solemne zarráu pol Himnu d'Asturies nel qu'evalúa la situación xeneral de la llingua y la lliteratura y procédese al nomamientu de los nuevos académicos o académiques. Tamién ye esti día l'escoyíu polos comerciantes llibreros pa facer un 10% de descuentu nos sos llibros, celebrándose n'Uviéu la Feria del Llibru que va dende'l Día del Llibru (23 d'abril) al Día de les Lletres (tamién llamáu Día del Llibru y del Discu n'asturianu). Asinamesmo, la Xunta pola Defensa de la Llingua Asturiana suel entamar una manifestación pola oficialidá del asturianu coincidiendo col Día de les Lletres.

Llista d'edicionesEditar

 
Placa Homenaxe al Teatru Asturianu - XXVII Selmana de les Lletres Asturianes.
Añu Edición Dedicada a
2020 XLI María Teresa Villaverde[1]
2019 XL
2018 XXXIX
2017 XXXVIII
2016 XXXVII
2015 XXXVI Lliteratura escolar
2014 XXXV Cómic en llingua asturiana
2013 XXXIV Nené Losada
2012 XXXIII Poesía ilustrada:Benito de l'Auxa y Antón Balvidares
2011 XXXII Mánfer de la Llera
2010 XXXI Xosé Antonio García
2009 XXX Enriqueta González Rubín
2008 XXIX María Teresa González
2007 XXVIII Narrativa Asturiana Contemporánea
2006 XXVII Teatru Asturianu Contemporaneu
2005 XXVI Poesía Asturiana Contemporánea
2004 XXV Andrés Solar
2003 XXIV Antonio García Oliveros
2002 XXIII María Xosefa Canellada
2001 XXII Pachín de Melás
2000 XXI Antón de Marirreguera
1999 XX Constantino Cabal
1998 XIX Xosefa Xovellanos
1997 XVIII Manuel Fernández de Castro
1996 XVII José Benigno García González, Marcos del Torniello
1995 XVI Xuan María Acebal
1994 XV Valentín Rodríguez Ochoa, Antón el Chiova
1993 XIV Padre Galo Fernández, Fernán Coronas
1992 XIII José García Peláez, Pepín de Pría
1991 XII Llorienzu Novo Mier
1990 XI Teodoro Cuesta
1989 X Xosé Caveda y Nava
1988 IX
1987 VIII
1986 VII
1985 VI
1984 V
1983 IV
1982 III
1981 II
1980 I

ReferenciesEditar

  1. «El Gobiernu asturianu va dedicar la Selmana de les Lletres a María Teresa Villaverde «Tuxa»» (en castellanu) (26 de febreru de 2020). Consultáu'l 26 d'ochobre de 2020.

Enllaces esternosEditar