Zeta Phoenicis
Zeta Phoenicis (ζ Phe / HD 6882 / HR 338)[11] ye una estrella variable na constelación de Fénix de magnitú aparente media +3,97. Alcuéntrase a 280 años lluz del Sistema Solar.
Coordenaes: 
1h 8m 23.081s, -55° 14′ 44.736″
Zeta Phoenicis ye un sistema estelar triple formáu por una binaria cercana y una tercer estrella alloñada del par interior. La binaria ye una binaria eclipsante de tipu Algol (β Persei); cada 1,6697 díes el rellumu de la estrella mengua casi en media magnitú cuando tien llugar l'eclís principal, observable a simple vista, ente que tamién hai un eclís secundariu que provoca un descensu de rellumu de 0,18 magnitúes.[12]
La componente principal de la estrella binaria ye una estrella blancu-azulada de tipu espectral B6V y 14.100 K de temperatura. Tien una masa de 3,93 mases solares y un radiu 2,85 vegaes más grande que'l del Sol. Pela so parte, la so compañera ye una estrella de tipu B8V y 11.800 K de temperatura. La so masa ye 2,55 vegaes mayor que la del Sol y ye 1,85 vegaes más grande qu'ésti. L'eclís principal produzse cuando la estrella más pequeña —anque 60 vegaes más lluminosa que'l Sol— pasa per delantre de la más grande, que la so lluminosidá ye 290 vegaes superior a la lluminosidá solar. L'eclís secundariu tien llugar cuando la estrella B6, más grande y caliente, despinta dafechu a la más pequeña, una y bones el planu de la órbita ye casi paralelu a la llinia de visión. Dambes componentes tán dixebraes 0,05 UA, lo qu'equival a namái cuatro veces el tamañu de la estrella más grande, siendo la órbita casi circular. Los periodos de rotación de dambes estrelles son menores que'l periodu orbital, polo que'l sistema nun presenta rotación síncrona. Nun esistiendo intercambiu de materia ente componentes, nun ye una binaria de contautu.[12]
La tercer estrella que completa'l sistema ye una nana de tipu F7V y magnitú 7 —asemeyada a ι Piscium, por casu— distante siquier 600 UA del par interior. Emplega más de 5000 años en completar una órbita alredor d'elles.[12]
Ver tamién
editarReferencies
editar- ↑ Peter Philip Eggleton (setiembre 2008). «A catalogue of multiplicity among bright stellar systems» (inglés) páxs. 869–879.
- ↑ Afirmao en: General Catalogue of Variable Stars.
- ↑ Dimitri Pourbaix (setiembre 2004). «SB9: The ninth catalogue of spectroscopic binary orbits» (n'inglés). Astronomy and Astrophysics (2): páxs. 727–732. doi:.
- ↑ 4,0 4,1 4,2 4,3 Afirmao en: SIMBAD.
- ↑ 5,0 5,1 5,2 5,3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ Ulrich Bastian (marzu 2000). «Catálogo Tycho-2». Astronomy and Astrophysics: páxs. L27-L30.
- ↑ Afirmao en: Catalogue of rotational velocities of the stars. Stated in source according to: SIMBAD. Llingua de la obra o nome: inglés. Data d'espublización: xunu 1970.
- ↑ «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11): páxs. 759–771. payares 2006. doi:.
- ↑ Joss Bland-Hawthorn (2020). «The Sixth Data Release of the Radial Velocity Experiment (RAVE). II. Stellar Atmospheric Parameters, Chemical Abundances, and Distances». The Astronomical Journal (2). doi:.
- ↑ «Rotational velocities and spectral types for a sample of binary systems». Astronomy and Astrophysics: páxs. 91–99. 1975.
- ↑ V* zet Phe - Eclipsing binary of Algol type (SIMBAD)
- ↑ 12,0 12,1 12,2 Zeta Phoenicis (Stars, Jim Kaler)
Coordenaes: 1h 8m 23.081s, -55° 14′ 44.736″
Datos: Q196843
