Llobu cerval (constelación)
(Redirixío dende Lynx (constelación))
Llobu cerval (n'inglés Lynx) ye una constelación del Hemisferiu norte, introducíu nel sieglu XVII por Johannes Hevelius. L'orixe del nome débese a la poca lluminosidá de los sos astros, pos precísase tener güeyos de llobu cerval pa poder vela. P'alcontrar al Llobu cerval hai que guetar ente dos constelaciones bien lluminoses, la sietestrellu y Auriga.
| El Llobu cerval Lynx | ||
|---|---|---|
 Carta celeste de la constelación del Llobu cerval na qu'apaecen les sos principales estrelles. | ||
| Nomenclatura | ||
| Nome n'asturianu | El Llobu cerval | |
| Nome en llatín | Lynx | |
| Xenitivu | Lyncis | |
| Abreviatura | Lyn | |
| Descripción | ||
| Introducida por | Johannes Hevelius | |
| Superficie |
545,4 graos cuadraos 1,322 % (posición 28) | |
| Ascensión reuta |
Ente 6 h 16,23 m y 9 h 42,84 m | |
| Declinación | Ente 32,97° y 61,96° | |
| Visibilidá |
Completa: Ente 28° S y 90° N Parcial: Ente 57° S y 28° S | |
| Númberu d'estrelles | 97 (mv < 6,5) | |
| Estrella más brillante | Alfa Lyncis (mv 3,15) | |
| Oxetos Messier | Nengunu | |
| Oxetos NGC | 107 | |
| Oxetos Caldwell | 1 | |
| Lluvies de meteoros | 3 agües | |
| Constelaciones colindantes | 7 constelaciones | |
| Meyor mes pa ver la constelación Hora llocal: 21:00 | ||
| Mes | Marzu | |
| [editar datos en Wikidata] | ||
Carauterístiques destacables editar
La estrella más brillosa de la constelación ye, con magnitú 3,14, α Lyncis, la única que tien asignada una lletra griega de Bayer. Otru oxetu d'interés en Llobu cerval ye J0917+46, un sistema que contién la nana blanca conocida de menor masa.
Estrelles principales editar
- α Lyncis (Elvashak), con magnitú 3,14 ye la estrella más brillosa de la constelación. Ye una xigante coloráu-anaranxada a 220 años lluz.
- 2 Lyncis (UZ Lyncis), binaria eclipsante y variable Delta Scuti de magnitú 4,45.
- 6 Lyncis, subxigante naranxa de magnitú 5,86 onde s'afayó un planeta estrasolar.
- 8 Lyncis, subxigante mariella de magnitú 5,90.
- 10 Ursae Majoris, a pesar del so nome anguaño ta englobada na constelación de Llobu cerval; con magnitú 3,97 ye la tercera más brillosa de la mesma.
- 12 Lyncis, estrella triple onde la componente principal tien magnitú 5,4 y la secundaria magnitú 6.
- 15 Lyncis, xigante mariella y estrella binaria de magnitú 4,35.
- 21 Lyncis, estrella blanca de la secuencia principal de magnitú 4,61.
- 22 Lyncis, estrella blancu-mariella de magnitú 5,36.
- 30 Lyncis, tamién estrella blancu-mariella; tien magnitú 5,89.
- 31 Lyncis (Alsciaukat), xigante naranxa de magnitú 4,25.
- 34 Lyncis, subxigante mariellu-anaranxada de magnitú 5,37.
- 38 Lyncis (Maculosa), la segunda estrella más brillosa con magnitú 3,82. Ye una estrella múltiple de color blancu.
- R Lyncis, variable Mira que'l so rellumu varia ente magnitú 7,2 y 14,3 a lo llargo d'un periodu de 378,75 díes.
- RR Lyncis, variable eclipsante que'l so rellumu varia ente magnitú 5,5 y 6 nun ciclu d'unos diez díes.
- AE Lyncis (54 Camelopardalis), variable RS Canum Venaticorum de magnitú 6,49.
- CN Lyncis, distante binaria eclipsante que la so variabilidá foi afayada por Hipparcos.
- HD 55575, nana mariella de magnitú 5,55 anque muncho más antigua que'l Sol.
- HD 62301, estrella del discu gruesu con una antigüedá de 11.700 millones d'años.
- GJ 1105, nana colorada a 26,6 años lluz del Sistema Solar.
- J0917+46, sistema estelar que la so componente visible ye la nana blanca conocida con menor masa.
Oxetos de cielu fondu editar
- Cúmulu globular NGC 2419, de magnitú 10,4 y bien distante de la Tierra (300.000 años lluz).
- Galaxa espiral NGC 2683, alcontrada 6º al oeste de α Lyncis.
Referencies editar
Enllaces esternos editar
Wikimedia Commons tien conteníu multimedia tocante a Llobu cerval (constelación).
Datos: Q10443- Multimedia: Lynx (constellation)
