17 Virginis
17 Virginis (17 Vir / HD 107705 / HR 4708) ye una estrella na constelación de Virgu de magnitú aparente +6,46,[9] polo que namái ye visible a simple vista con bones condiciones de visibilidá. Alcuéntrase a 97 años lluz del Sistema Solar.
Coordenaes: 
12h 22m 32.038s, 5° 18′ 19.608″
17 Virginis ye una estrella binaria que la so componente principal ye una nana mariella de tipu espectral F8V.[9] Con una temperatura de 6250 K ye unos 470 K más caliente que'l Sol; ye tamién más lluminosa, aproximao'l doble que'l Sol, siendo'l so radiu un 20% más grande que'l radiu solar. La so masa ye d'aproximao 1,22 mases solares. Ye una estrella de carauterístiques asemeyaes a HD 179949 o 94 Ceti, ésta última tamién binaria. A diferencia d'estos dos estrelles, nun se detectó hasta la fecha nengún planeta estrasolar en redol a 17 Virginis.[10]
La componente secundaria del sistema ye una nana naranxa de tipu espectral K5V y magnitú +9,2,[11] con una masa envalorada del 75% de la masa solar. Ye una estrella asemeyada a otres estrelles más cercanes como 61 Cygni A o Épsilon Indi A, pudiendo ser una estrella variable. Visualmente a 20 segundos d'arcu de la estrella primaria, la separación real ente los dos componentes del sistema ye d'unes 775 UA, ensin que se conoza la escentricidá de la órbita.[10]
El sistema tien una metalicidá —bayura relativa d'elementos más pesaos que l'heliu— bien paecida a la del Sol ([Fe/H] = + 0,04) y la so edá envalórase en 2500 millones d'años.[12]
Referencies
editar- ↑ 1,0 1,1 1,2 1,3 Afirmao en: SIMBAD.
- ↑ 2,0 2,1 2,2 2,3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ Afirmao en: Gaia DR3. Llingua de la obra o nome: inglés. Data d'espublización: 13 xunu 2022.
- ↑ Claus Fabricius (marzu 2002). «The Tycho double star catalogue» (n'inglés). Astronomy and Astrophysics (1): páxs. 180–189. doi:.
- ↑ «Abundances in the Local Region II: F, G, and K Dwarfs and Subgiants». The Astronomical Journal (1). 21 avientu 2016. doi:.
- ↑ Caroline Soubiran (agostu 2018). «Gaia Data Release 2. The catalogue of radial velocity standard stars» (n'inglés). Astronomy and Astrophysics. doi:.
- ↑ Jeff A Valenti (xunetu 2005). «Spectroscopic Properties of Cool Stars (SPOCS). I. 1040 F, G, and K Dwarfs from Keck, Lick, and AAT Planet Search Programs». The Astrophysical Journal Supplement Series (1): páxs. 141–166. doi:.
- ↑ «Mk classifications for F and G-type stars. I». The Astronomical Journal: páxs. 916. 1969. doi:.
- ↑ 9,0 9,1 17 Virginis (SIMBAD)
- ↑ BD+06 2599B (SIMBAD)
- ↑ Holmberg, J.; Nordström, B.; Andersen, J. (2009). «The Geneva-Copenhagen survey of the solar neighbourhood. III. Improved distances, ages, and kinematics». Astronomy and Astrophysics 501 (3). pp. 941-947 (Tabla consultada en CDS). http://cdsads.u-strasbg.fr/cgi-bin/nph-bib_query?2009A%26A...501..941H&db_key=AST&nosetcookie=1.
Coordenaes: 12h 22m 32.038s, 5° 18′ 19.608″
Datos: Q5650977
