29 Cygni
29 Cygni (29 Cyg / HD 192640 / HR 7736)[10] ye una estrella de magnitú aparente +4,96. Alcuéntrase na constelación del Cisne 4º al suroeste de la brillosa Sadr (γ Cygni) y 1º al sur de P Cygni. Alcuéntrase a 139 años lluz del Sistema Solar.
Coordenaes: 
20h 14m 32.032s, 36° 48′ 22.701″
29 Cygni ye una estrella blanca de la secuencia principal catalogada como de tipu espectral A2V. Sicasí, la so temperatura efectivo de 7920 K ye bien baxa pa la so clase, siendo más apropiada pa una estrella de tipu A7. La so lluminosidá ye 13,2 vegaes superior a la lluminosidá solar. A partir de la so temperatura y lluminosidá puede evaluase'l so diámetru, siendo ésti'l doble del que tien el Sol. Diversos estudios ufierten valores desemeyaos tocantes a la so velocidá de rotación; considerando 65 km/s como'l valor más probable pal so velocidá de rotación proyeutada, el so periodu de rotación sería inferior a 1,5 díes. Tien una masa de 1,8 mases solares y una edá envalorada de 500 millones d'años.[11]
29 Cygni forma parte del amenorgáu grupu de les estrelles Lambda Bootis, siendo conocíes namái unes 50 estrelles d'esti tipu. Anque la naturaleza d'estes estrelles nun ye bien entendida, la idea más aceptada ye que les sos superficies fueron contaminaes por acreción de gas procedente de nubes interestelares circundantes probes en metales. Primeramente los metales fueron adsorbidos nos granos de polvu de diches nubes. Piénsase que la presión de radiación de la estrella caltién estremáu'l polvu d'ella ente que'l gas sí s'integra dientro de la estrella. Asina, el conteníu relativo de fierro de 29 Cygni namái supón el 6% del que tien el Sol, y el de magnesiu apenes algama'l 4%. Amás, 29 Cygni ye una variable Delta Scuti con una mínima variación de rellumu de 0,016 magnitúes, siendo'l periodu principal de 38,5 minutos.[11] Por ello, tamién en conocida pola denominación, tocantes a variable, de 1644 Cygni.[10]
Referencies
editar- ↑ 1,0 1,1 Afirmao en: General Catalogue of Variable Stars.
- ↑ 2,0 2,1 2,2 2,3 2,4 Afirmao en: SIMBAD.
- ↑ 3,0 3,1 3,2 3,3 Afirmao en: Gaia EDR3. Stated in source according to: SIMBAD. Llingua de la obra o nome: inglés. Data d'espublización: 3 avientu 2020.
- ↑ Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
- ↑ «Rotational velocities of A-type stars» (n'inglés). Astronomy and Astrophysics (2): páxs. 671–682. febreru 2007. doi:.
- ↑ «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11): páxs. 759–771. payares 2006. doi:.
- ↑ Thayne Currie (14 abril 2023). «Direct Imaging and Astrometric Discovery of a Superjovian Planet Orbiting an Accelerating Star». Science (6641): páxs. 198-203. doi:.
- ↑ «The atmospheric parameters and spectral interpolator for the MILES stars» (n'inglés). Astronomy and Astrophysics: páxs. 165–165. xunetu 2011. doi:.
- ↑ Gerard T. van Belle (23 marzu 2009). «Directly determined linear radii and effective temperatures of exoplanet host stars» (n'inglés). The Astrophysical Journal (2): páxs. 1085–1098. doi:.
- ↑ 10,0 10,1 V* V1644 Cyg -- Variable Star (SIMBAD)
- ↑ 11,0 11,1 29 Cygni (Stars, Jim Kaler)
