87 Sylvia

87 Sylvia ye l'asteroide númberu 87 de la serie. Silvia ye importante por ser el primer asteroide conocíu en tener más d'un satélite natural.

87 Sylvia
asteroide
Nome provisional	A909 GA y A866 KA
Símbolu astronómicu
Tipu	A909 GA y A866 KA
Descubridor	Norman Robert Pogson
Data de descubrimientu	16 mayu 1866
Epónimu	Rea Silvia (es)
Llugar de descubrimientu	Observatoriu de Madras
Categoría	cinturón d'asteroides y Outer Main Belt (en)
Datos d'observación
Magnitú aparente (V)	12,87 (banda V)
Magnitú absoluta	6,95
Oxetu astronómicu padre	Sol
Apoastru	3,8039902724621 AU
Periastru	3,150757781694 AU
Argumento del periastru	264,62923803451 °
Carauterístiques físiques
Diámetru	253,051 km
Masa	1,478E+19 kg
Densidá	1,2 g/cm³
Gravedá superficial	0,0729 cm/s²
Clase espectral	asteroide de tipu P y asteroide de tipu X
Temperatura	151 K (media)
Albedu	0,043 y 0,046
Carauterístiques orbitales
Periodu de rotación	5,184 h
Periodu orbital	2368,5117080202 d
Semiexe mayor (a)	3,477374027078 AU
Periheliu (q)	3,150757781694 AU
Afeliu (Q)	3,8039902724621 AU
Enclín (i)	10,855 ° y 10,880383496496 °
Escentricidá orbital (e)	0,093926118628795
Socesión
(86) Semele (es) 87 Sylvia (88) Thisbe (es)

Ye ún de los asteroides más grandes (260,9 km) del cinturón d' asteroides y pola so órbita a 3,49 UA del Sol pertenez a la familia del asteroide Cybele.

Descubrimientu y denominación

Descubriólu en Madras, Norman Robert Pogson (1829-1891) el 16 de mayu de 1866.

Paul Herget, na so obra Los Nomes de los Planetes Menores (1955), diz que'l nome ye n'honor a la primer muyer del astrónomu Camille Flammarion, Silvie Petiaux-Hugo Flammarion, pero nel artículu anunciando'l descubrimientu d'esti asteroide, Pogson esplicó que seleicionó'l nome n'alcordanza a Rhea Silvia, ma de Rómulu y Remu.

Les carauterístiques físiques

Sylvia ye de color mui escuru y probablemente tien una composición mui primitiva. El descubrimientu de les sos llunes fizo posible una midida esauta de la masa del asteroide (1,1 x 10 ¹⁹ kg) y la so densidá (1,1 g/cm³). La so densidá ye mui baxa, indicando que l'asteroide ye mui porosu; un 60% d'él pue tar vacíu.

Les llunes

Sylvia tien xirando al so rodiu dos pequeñes llunes asteroidales.

Nomáronse Rómulu y Remu, polos fíos de la diosa Rhea Silvia.

Rómulu, la primera lluna, descubrióse'l 18 de febreru de 2001 nel telescopiu W. M. Keck II de 10 metros en Mauna Kea, por Michael E. Brown y Jean-Luc Margot (Institutu de Teunoloxía de California), descubrieron esti satélite en semeyes obteníes en banda H, usando un sistema d'óptica adaptativa. La so designación completa ye (87) 1 Rómulo; enantes de recibir el so nome, yera conocíu como S/2001 (87) 1 . Tien 18 km de diámetru y la so órbita a una distancia de 1370 km, de Sylvia tarda en completase 87,6 hores. Los astrónomos pudieron calcular bien la so órbita porque fotografiaronla 27 vegaes a lo llargo de dos meses. En doce d'estes semeyes apaeció una segunda lluna más pequeña.

Anuncióse'l descubrimientu de Remu, la segunda lluna, el 10 d'agostu de 2005 por Franck Marchis d'UC Berkeley, y Pascal Descamps, Daniel Hestroffer, y Jérôme Berthier del Observatoriu de París, Francia, usando'l telescopiu Yepun del Observatoriu Europeu Austral (ESO) nel Observatoriu Paranal, Chile. La so designación completa ye (87) 2 Remo; enantes de recibir el so nome, yera conocíu como S/2005 (87) 2 . Tien 7 km de diámetru y la so órbita a una distancia de 710 km, tarda 33 hores en completase.

Los astrónomos creyen qu'estes llunes formáronse por un impautu nel pasáu d'un asteroide con Silvia, quedando atrapaes pola gravedá del asteroide y que tamién se pueden alcontrar otres llunes más pequeñes.

Enllaces esternos

• Datos de 87 Sylvia del archivu Johnston
• El Planeta Menor Sylvia y los sos xemelos (noticies d'ESO)

• Datos: Q107673
• Multimedia: 87 Sylvia