A Bola

A Bola ye un conceyu de la provincia d'Ourense en Galicia. Pertenez a la Contorna de Terra de Celanova Población en 2010: 1.463 persones según el IGE. (1.549 en 2004).

A Bola
Alministración
País	España
Autonomía	Galicia
Provincia	provincia d'Ourense
Tipu d'entidá	conceyu de Galicia
Alcaldesa d'A Bola	María Teresa Barge Bello
Nome oficial	A Bola (gl)
Nome llocal	A Bola (gl)
Códigu postal	32...
Xeografía
Coordenaes	42°09′06″N 7°54′53″W
A Bola A Bola (España)
Superficie	34.9 km²
Altitú	510 m
Llenda con	A Merca, Allariz, Rairiz de Veiga, Verea y Celanova
Demografía
Población	1069 hab. (2023) - 545 homes (2019) - 611 muyeres (2019)
Porcentaxe	0.35% de provincia d'Ourense
Densidá	30,63 hab/km²
Más información
Estaya horaria	UTC+01:00

Evolución de la población d'A Bola - dende 1900 hasta 2011 -
1900	1930	1950	1981	2004	2007	2010	2011
4.043	3.988	3.906	2.248	1.549	1497		1.436
Fontes: INE e IGE (Los criterios de rexistru censal variaron ente 1900 y 2011, y los datos del INE y del IGE pueden nun coincidir.)

Toponimia

El conceyu d'A Bola debe'l so nome a una bola de granitu asitiada nel llugar, que tamién da orixe al escudu.

Xeografía

El conceyu, de 39,9 km², llenda al norte con A Merca, al sur con Verea, al este con Allariz y Vilar de Santos y al oeste con Celanova.

Ta asitiáu nuna zona de mediu monte, nes estribaciones de la cara este de la Serra do Leboreiro, a los pies de los picos de Furriolo, Monte Calvo y San Cibrao. L'altitú media ta ente los 500 y los 600 metros. L'altitú máxima ye la del monte de San Cibrao, de 914 metros, y la mínima na llende noroeste con Celanova y A Merca, con 300 metros.

Clima

A Bola tien un clima continental, con una temperatura medio añal de 10.5 °C y una amplitú térmica de 13.4 °C. Esiste un enllargáu perídodo de fríu ente payares y abril, con precipitaciones que lleguen a la media añal de 1038 mm, con una marcada seca braniza.

Hidrografía

La hidrografía del conceyu ta definida pol cursu del ríu Arnoia y los sos afluentes, destacando ente ellos al ríu Orille. Esti cursu, procedente de Verea, define gran parte de la frontera occidental d'A Bola.

Parroquies y Festividaes

• Berredo (San Miguel) - Fiesta de San Blas, 3 de febreru.
• Pardavedra (Santiago) - Fiesta de San Cibrao, nel monte de San Cibrao, romería, últimu sábadu d'agostu.
• Podentes (Santa María)- Santa Apolonia, 8 de febreru.
• San Martiño de Berredo - (San Martiño) Fiestes del Corpus, con alfombra de flores Santa Baia de Berredo - (Santa Baia) San Lourenzo, 11 d'agostu y procesión d'A Virxe das Dores, el vienres anterior aVienres Santu.
• Sorga (San Mamede) - Fiesta de santa Lucía, 13 d'avientu.
• Soutomel (Santa Locaia) - Fiesta del Corpus
• Veiga (San Munio) - Fiesta de Santa Cruz, 3 de mayu.

Corporación municipal

Resultáu eleiciones municipales del 25 de mayu de 2015 n'A Bola
Nome	Votos	Porcentaxe	Conceyales
Partíu Popular de Galicia	639	66.01%	6
Bloque Nacionalista Galego	278	28.72%	3

Actividaes

Sobresalen les actividaes de cultivu del maíz, trigu, centenu, pataques y una importante producción de castañes. El so monte ta compuestu por pinos, carbayos y sobremanera, castañales.

Ociu

Unu de los puntos d'ociu más llamativos y carauterísticos d'A Bola ye la so área recreativa. Ye una zona verde con sablera fluvial xunto al ríu Orielle, a la que puede aportase dende la llocalidá de Cacabelos o por un accesu secundariu dende la carretera OU 531.

Tamién dispón d'un club de fútbol, C.F. A Bola, fundáu en 1985 y anguaño en Tercera Rexonal.

Xubida al Furriolo

Trátase d'unu de los eventos más importantes del conceyu, un rally gallegu añal que percuerre diversos puntos d'A Bola. La séptima edición d'esti rally va celebrar nel conceyu los díes 29 y 30 d'ochobre de 2011.

Enllaces esternos

• Wikimedia Commons tien conteníu multimedia tocante a A Bola.
• Páxina web d'A Bola Archiváu 2011-08-14 en Wayback Machine

• Datos: Q523929
• Multimedia: A Bola