Aarón Zapico

Aarón Zapico
Vida
Nacimientu	Llangréu, 22 de xunu de 1978 (46 años)
Nacionalidá	España
Oficiu	músicu, clavecinista, direutor d'orquesta
Miembru de	Forma Antiqva
Xéneru artísticu	música clásica; música antigua
Instrumentu musical	pianu; Clavecín
Discográfica	Winter & Winter (es)
IMDb	nm8100224
	formaantiqva.com…

Aarón Zapico (22 de xunu de 1978, Llangréu) ye un clavecinista y direutor d'orquesta asturianu, especializáu na interpretación de música antigua. Ye'l fundador y direutor del conxuntu Forma Antiqva.

Biografía

Empecipia la so formación musical a temprana edá na so llocalidá natal, llogrando'l títulu cimeru de Pianu nel Conservatoriu Cimeru de Música d'Uviéu coles más altes calificaciones. Darréu, dirixe'l so interés a la interpretación de la música antigua, especializándose en Clave nel Koninklijk Conservatorium Dean Haag (L'Haya, Países Baxos) so la direición de Jacques Ogg, onde conclúi los sos estudios con honores. En 1999, fundó, xunto a los sos hermanos Pablo y Daniel, el grupu Forma Antiqva, col qu'actuó nos principales auditorios españoles, y realizó conciertos por Europa, Asia, Oceanía y América.

Dirixó formaciones sinfóniques tan importantes como la Orquesta Sinfónica del Principáu d'Asturies (OSPA), Orquesta Filarmónica de Málaga, Orquesta d'Estremadura o la Nueva Orquesta de la Comunidá de Madrid (JORCAM). Amás, púnxose al mandu de conxuntos dedicaos a la interpretación de música antigua, como la Orquesta Barroca de Roquetas de Mar, Academia de Música Antigua de Santander o la Nueva Orquesta Barroca d'Andalucía (JOBA), lo mesmo que de agrupaciones corales como'l Coru de la Fundación Princesa d'Asturies, Sociedá Coral de Bilbao o Camerata Coral de la Universidá de Santander.

Como clavecinista, collaboró con conxuntos especializaos tan impostantes como Euskal Barrokensemble, Accademia del Piacere, El Conciertu Español, Xacona, La Real Cámara, Camerata Iberia, Orpheon Consort Wien, La Caravaggia o La Ritirata, trabayando so la direición de maestros como Fahmi Alqhai, Emilio Moreno, Frans Brüggen, Víctor Pablo Pérez, Marzio Conti, Pablo González o Álvaro Albiach. Realizó grabaciones pa Televisión Española, Radio Nacional d'España, Czech Radio, Australian Broadcasting, France Musique y Catalunya Música, según pa sellos discográficos como Arsis, Columna Música o Winter & Winter, del que ye artista esclusivu.

Coles mesmes, Zapico desempeñó un considerable llabor docente como profesor d'interpretación histórica de la música antigua nel Conservtaorio Cimeru de Música d'Uviéu, y como profesor de clave y baxu continuu nel Conservatoriu Profesional de Música de Murcia y nel Conservatoriu Cimeru de Música "Manuel Massotti Littel" de Murcia. Amás, impartió clases maxistrales por tola xeografía española, según en diversos países europeos —como Francia—, oceánicos —como Australia—, asiáticos —como Singapur— o americanos —como Costa Rica o Panamá—.

En 2009, fundó l'Academia de Música Antigua de Xixón, que dirixó hasta 2013; ente 2011 y 2013, foi coles mesmes direutor del Festival de Música Antigua de Xixón, en que'l so senu impulsó la creación nel añu 2012 del primer concursu internacional de música antigua d'España. En 2010, collaboró, xunto a otros especialistes del so campu, na creación de l'Asociación de Grupos Españoles de Música Antigua (XEMA), y ye unu de los fundadores de la Plataforma de Docentes, Concertistes, Compositores ya Investigadores del Principáu d'Asturies.

Premios

2010: Asturianu del Mes, dau pol diariu La Nueva España, como integrante de Forma Antiqva
2010: Grupu del Añu 2010, dau pola Televisión del Principáu d'Asturies (TPA), como integrante de Forma Antiqva
2012: Premiu AMAS, na categoría de "Otros preseos", como integrante de Forma Antiqva
2012: Premiu Serondaya a la Innovación Cultural, dau pola Assciación Cultural Serondaya, como integrante de Forma Antiqva
2015: Premiu Circuitu FestClásica, na categoría de Música Antigua, dau pola Asociación Española de Festivales de Música Clásica, como integrante de Forma Antiqva

Discografía

2005 - Bizarro!! Música italiana del seicento, con Forma Antiqva (La Factoría)
2006 - Insólitu plasmu: Villancicos, saynetes, cantaes y una batalla, con Forma Antiqva; Mariví Blasco y Olalla Alemán —sopranos—, Xavier Sabata —contratenor—, Juan Sancho —tenor— (Arsis)
2008 - Rara Avis v1.0, con Forma Antiqva; Xavier Sabata —contratenor— (Onda Producción Audiovisual)
2008 - Sopra Scarlatti: Cantate à voce sola di sopranu di Domenico Scarlatti, con Forma Antiqva; María Espada —sopranu— (Arsis)
2009 - Corpus Christi en Toledo, 1751, con Sphera Antiqva y Memoria de los Sentíos; Carlos Martínez Gil —direutor— (Columna Música)
2009 - Amore x Amore, con Forma Antiqva; Xavier Sabata —contratenor— (Winter & Winter)
2010 - Alcuerdo Zapico: Forma Antiqva plays Baroque Dance Music, con Forma Antiqva (Winter & Winter)
2011 - phantasïa: Frescobaldi & Froberger (Winter & Winter)
2012 - Antonio Vivaldi: The Four Seasons, con Forma Antiqva (Winter & Winter)
2013 - Opera Zapico: Opera music from Monteverdi to Mozart, con Forma Antiqva (Winter & Winter)
2016 - Crudo Amor: Soprano & Countertenor duets by Agostino Steffani, con Forma Antiqva; Eugenia Boix —sopranu— y Carlos Mena —contratenor— (Winter & Winter)
2016 - Francisco José de Castro (1670 - 1739): Trattenimenti armonici da camera, opus 1, con La Real Cámara; Emilio Moreno —violín—, Enrico Gatti —violín—, Merced Ruiz —violonchelu—, Pablo Zapico —guitarra barroca y tiorba— (Glossa)
2016 - Ernst Reijseger: The Volcano Symphony, con Forma Antiqva (Winter & Winter)

Ver tamién

Forma Antiqva

Referencies

Enllaces esternos

Web oficial Archiváu 2017-01-05 en Wayback Machine de Aarón Zapico
Web oficial del conxuntu Forma Antiqva, dirixíu por Aarón Zapico
Universu Zapico, web de los proyeutos de los hermanos Zapico
Entrevista a Aarón Zapico nel programa "Colos pies na tierra" de la Televisión del Principáu d'Asturies (TPA)
Biografía de Aarón Zapico Archiváu 2017-01-05 en Wayback Machine na web del Centru Nacional d'Espardimientu Musical (CNDM)
Biografía de Aarón Zapico na web de la Selmana de Música Relixosa de Cuenca