Ablanque

Ablanque ye un conceyu español de la provincia de Guadalaxara, na comunidá autónoma de Castiella-La Mancha, allugáu nel Parque natural del Alto Tajo.

Ablanque
Alministración
País	España
Autonomía	Castiella-La Mancha
Provincia	provincia de Guadalaxara
Tipu d'entidá	conceyu d'España
Alcalde d'Ablanque	José Luis Sancho Castillo
Nome oficial	Ablanque (es)
Códigu postal	19442
Xeografía
Coordenaes	40°53′53″N 2°13′45″W
Ablanque Ablanque (España)
Superficie	51.4 km²
Altitú	1061 m
Llenda con	Cobeta, Huertahernando, Olmeda de Cobeta y Riba de Saelices
Demografía
Población	66 hab. (2023) - 31 homes (2019) - 28 muyeres (2019)
Porcentaxe	0% de provincia de Guadalaxara
Densidá	1,28 hab/km²
Más información
Prefixu telefónicu	949
Estaya horaria	UTC+01:00
ablanque.org

Xeografía

Ta asitiáu nuna fondalada, nel visu d'una pequeña llomba, a la marxe derecha d'un ríu, llamáu Ablanquejo, que cuerre al Sur a 400 vares de la población: tópase abellugáu del vientu Oeste por un cuetu, que llamen l'Agambo,: el so clima ye saludable, anque propensu a calentures intermitentes y dolores reumáticos.

Na so contorna atopen restos romanos y numberoses hectárees de pinar. Por Ablanque pasa un ríu al que da nome'l pueblu, el Ablanquejo, que, con un escasu llargor d'unos 8 quilómetros, desagua nel Tajo. Nel so términu municipal esiste una presa artificial, que pel branu s'enllena de xente de los pueblos d'alredor.

Confina el términu, colos de Cobeta, y La Olmeda de Cobeta pel este; pel norte con tierres del ducáu de Medinaceli; pel sur colos de La Buenafuente del Sistal y Huertahernando; y pel oeste: colos de La Loma y Riba de Saelices.

Comunicaciones

Pa llegar hasta Ablanque puede aportase dende l'A-2, abandonándola pola salida d'Alcolea del Pinar (km 130); pola N-211, al altor de Mazarete (km 28); tamién en coche de llinia, de la ruta Madrid-Teruel, que pasa pol mesmu pueblu. En tren la parada más cercana ye la de Sigüenza.

Historia

A finales del sieglu XIX yera un llugar de l'audiencia de Sigüenza, de la provincia de Guadalaxara, d'onde falta 17 llegües; seis de Cifuentes, el so partíu xudicial, y 27 de Madrid, el so capitanía xeneral y audiencia antigua. Tenía escuela de dambos sexos dotada con 500 pesetes añales, casa y retribuciones. Tenía entós unos 130 vecinos.

A la cayida del Antiguu Réxime la llocalidá de constitúi en conceyu constitucional na rexón de Castiella la Nueva, partíu de Cifuentes que nel censu de 1842 cuntaba con 40 llares y 215 vecinos.

A mediaos del sieglu XIX crez el términu del conceyu porque incorpora a La Loma.

En 2005, el conceyu foi azotáu pol mayor quema forestal de dichu añu, cobrándose 11 muertos y xamuscándose más de 12000 hectárees de monte. La xuez consideró que dende la ex conseyera de Mediu Ambiente, Rosario Arévalo, a los téunicos que dirixeron la estinción hubo un delitu siguíu por "la defectusa execución del plan d'emerxencies, la tardanza na llocalización, movilización tardida de medios humanos y materiales y retrasu nel puestu ataque" de la quema.

Patrimoniu

Ilesia parroquial católica d'entrada, dedicada a Nuesa Señora de l'Asunción, casa rectoral.

Al sur ya inmediata al pueblu ta la ermita de San Roque, y allegante a ella'l campusantu bien ventilado.

Fiestes y costumes

Les sos fiestes más importantes son les de Selmana Santa, el mayu, les d'agostu y la matanza, n'avientu.

Enllaces esternos

• Asociación Cultural "Hortezano" de Ablanque Archiváu 2010-04-14 en Wayback Machine

Mapes onde ta'l conceyu

• 488 (enllaz rotu disponible n'Internet Archive; ver l'historial y la última versión).
• 489 (enllaz rotu disponible n'Internet Archive; ver l'historial y la última versión).

• Datos: Q621837
• Multimedia: Ablanque