Agaricus
Col nome de xampiñón denómase xenéricamente a les especies de fongos del xéneru Agaricus, de les cuales delles cultivense como comestibles, n'especial Agaricus bisporus, el xampiñón de París.
Agaricus  | ||
|---|---|---|
 | ||
| Clasificación científica | ||
| Reinu: | Fungi | |
| Filu: | Basidiomycota | |
| Subfilu: | Agaricomycotina | |
| Clas: | Agaricomycetes | |
| Orde: | Agaricales | |
| Familia: | Agaricaceae | |
| Xéneru: |
Agaricus L.:Fr. emend Karst. | |
| Especie tipu | ||
|
Agaricus campestris L.:Fr. | ||
| Especie | ||
Ver testu | ||
| Consultes | ||
| [editar datos en Wikidata] | ||
Les especies d'Agaricus presenten de vezu fructificaciones carnoses, mayoritariamente de tamañu mediu a grande; el sombreru ye hemisféricu nún entamu, depués convexu y a la fin más o menos achapláu o llixeramente deprimíu, de color blanquecín o pardu. El pie ye cilíndricu y tanto regular como engrosáu o atenuáu haza la bas; siempres porta un aniellu, más o menos desenrolláu, que pue ser persistente o caducu y se separta con facilidá de la carne del sombreru.
Les llámines (himenóforu) son llibres, ye dicir nun fixaes al pie, denses, de color muy pálidu al aniciu (blanquecín, buxaracáu o rosáu) depués con matices rosaos, seyan fuertes o débiles, y a la fin de color marrón-negru. La carne suel ser densa y firme, de color blanquecín pero en contautu col aire alquier tonalidaes roxines o mariellaes, n'ocasiones llixeres y n'otras bastante intenses.
El golor varía d'unes especies a otres, incluyendo los selemente acidulaos, con efluvios anisaos, con reminiscencies d'almendres amargues o francamente desagradable (cual fenol) en delles especies cuya carne mariellea. La suma de golor desagradable y mariellamientu de la carne desaconseya'l so consumu.
- Seición: Agaricus
- Seición: Sanguinolenti
- Seición: Minores
- Seición: Arvenses
- Seición: Xanthodermatei
| Wikispecies tien un artículu sobre Agaricus. |
Referencies
editarEnllaces esternos
editar
Wikimedia Commons tien conteníu multimedia tocante a Agaricus.
