Ahhotep II

Ahhotep II
Esposa del dios
faraona
Vida
Nacimientu	sieglu XVIedC
Muerte	depués de 1504 edC
Sepultura	Dra Abu el-Naga (es) ; DB320 (es)
Familia
Padre	Amosis I
Madre	Ahmose-Nefertari
Casada con	Kamose
Fíos/es	Ahmose-Sitkamose
Hermanos/es	Ahmose (es) ; Amenofis I (es) ; Ahmose-Meritamón
Pueblu	Dinastía XVII d'Exiptu
Oficiu	Reina-Faraón

Ahhotep foi una reina d'Exiptu, hermana y Gran Esposa Real d'Amenofis I, unu de los faraones de la XVIII dinastía exipciana, y vivió ente'l 1525 e.C. y 1504 e.C. (Otres grafíes del so nome son: Aahhotep II, Iahhotep II, Aah-Hotep II, etc.)

Yera fía del fundador de la dinastía, Amosis I, y de la reina Ahmose-Nefertari. El so nome significa "la Lluna ta satisfecha" (nuna alusión al dios llunar Iah) que comparte con so güela, la reina Ahhotep.

Mientres dalgún tiempu esistió un misteriu por resolver alredor d'esta reina. Magar que los rexistros reales se refieren a ella como "Fía de Rei, Muyer de Rei, Madre de Rei", nun se conocía quién yera'l fíu que reinaría. En 1918 foi afayáu'l cuerpu d'un ñácaru del sexu masculín en Deir el-Bahari, que foi identificáu como'l príncipe Amenemhat, fíu d'Ahhotep y d'Amenofis, que diba ser el príncipe herederu y que finó cuando tenía unu o dos años d'edá, dexando'l tronu a Tutmosis. Sábese que'l so túmulu foi forzáu en tiempos de la dinastía XX, atopando'l so cuerpu nunes llombes próximes los sacerdotes del dios Amón. Estos sacerdotes volvieron soterralu xunto a Ahmose-Meritamón, otra hermana y la Gran Esposa Real d'Amenofis, que la so balta tamién fuera asaltada.

Ahhotep foi soterrada na necrópolis real de Tebas, y la so momia foi afayada por Auguste Mariette nel añu 1859. Taba nun féretru de cedru y cubierta de munches alhaxes ente les que s'atoparon brazaletes, aniellos, un collar, un espeyu, una diadema, un abanicu y un pectoral d'oru, toes xoyes de la orfebrería exipciana. Caltiénse nel Muséu Exipcianu d'El Cairu.

Ver tamién

Referencies

Enllaces esternos

Wikimedia Commons tien conteníu multimedia tocante a Ahhotep II.