Air Asturias

aerollinia d'Asturies

Air Asturias yera'l nome comercial de la empresa Asturias Airlines S.A., un proyeutu d'aereollinia de baxu costu y touroperador creada a finales de 2005 con base nel Principáu d'Asturies (España) y disuelta en xineru de 2007. El capital de la compañía yera na so totalidá asturianu con Grupu Celuisma 90% y Grupu Mall 10%, tando unu de los sos socios iniciales implicáu de forma direuta na creación d'otra sumida compañía aérea (Air Madrid). Les sos oficines centrales atopábanse n'Avilés. La compañía nunca nun llegó a cuntar colos certificaos necesarios para operar como aereollinia y comercializaba vuelos de la compañía LTE col so nome, al traviés de la so páxina web y la so central de reserves telefónica, asina como n'axencies de viaxes. José Antonio Fernández Rodríguez presidió la compañía y Antonio Vicente Grueso yera'l so direutor xeneral.

Los propósitos aniciales de la compañía yeren cubrir les rutes ente l'Aeropuertu d'Asturies (códigu IATA OVD, códigu OACI LEAS), asitiáu en Santiago del Monte, Castrillón, y aeropuertos tantu nacionales (Barcelona, Tenerife y Málaga), como europeos (Milán, Ámsterdam, Frankfurt, Berlín). Amás, la compañía tenía cuenta de cubrir rutes intercontinentales a Venezuela, Colombia, Méxicu y Panamá, destinos turísticos onde'l Grupu Celuisma tien dellos complexos hoteleros.

Cronoloxía editar

  • 7 de payares de 2006: El primer avión colos colores de la compañía llega a Asturies.[1] Trátase d'un Airbus A320 de LTE qu'ésta operaba p'Air Asturias, qu'escareció siempres de certificáu d'aeronavegabilidá.
  • 16 de payares de 2006: LTE entama los primeros vuelos, comercializando Air Asturias vuelos con destín a Roma, París, Lisboa y Madrid.[2]
  • 10 de xineru de 2007: Realízase una reestructuración de destinos suprimiendo parte de los vuelos con Lisboa y Madrid.[3]
  • 17 de xineru de 2007: La compañía anuncia'l cese de les actividaes a partir del 26 de xineru de 2007 pola baxa demanda de les sos rutes.[4]

Flota editar

Air Asturias nunca nun llegó a tener aviones, anque si ordenó un Airbus A320-214 (matrícula EC-ISI).[5]

Destinos editar

LTE operó vuelos para Air Asturias dende l'aeropuertu d'Asturies a:

Referencies editar

  1. Air Asturias presenta su primer avión, artículu del diariu El Comercio, 8 de payares de 2006.
  2. Air Asturias inicia hoy su actividad con vuelos a París, Madrid y Lisboa, artículu del diariu El Comercio, 16 de payares de 2006.
  3. Air Asturias suspende 10 vuelos con Lisboa y Madrid (enllaz rotu disponible n'Internet Archive; ver l'historial y la última versión).(enllaz rotu disponible n'Internet Archive; ver el historial y la última versión).

    , artículu del diariu La Nueva España, 10 de xineru de 2007.

  4. Air Asturias suspenderá sus actividades a partir del 26 de xineru, artículu del diariu El País, 17 de xineru de 2007.
  5. «Qué fue de… Air Asturias». Archiváu dende l'orixinal, el 23 de setiembre de 2016. Consultáu'l 28 de xunetu de 2016.