Alectrurus risora
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
Alectrurus risora  | ||
|---|---|---|
_02.jpg) | ||
| Estáu de caltenimientu | ||
 Vulnerable (IUCN) | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Passeriformes | |
| Familia: | Tyrannidae | |
| Xéneru: | Alectrurus | |
| Especie: |
A. risora (Vieillot, 1824) | |
| Distribución | ||
 | ||
| Consultes | ||
| [editar datos en Wikidata] | ||
Alectrurus risora ye una ave paseriforme nativa de Sudamérica. Habita principalmente'l sur del Paraguái y el norte d'Arxentina, concentrándose nes provincies de Formosa y Corrientes. En grave retrocesu pola destrucción del so hábitat, ta consideráu vulnerable pola IUCN y consta nel Apéndiz I de CITES.
Carauterístiques
editarYe una ave de pequeñu tamañu, algamando'l machu los 30 cm de llargu y la fema unos 20. Tien la cabeza negra, según l'envés y el pechu, col banduyu blancu; na fema la banda pectoral ye más clara, y la cola amuesa una orla parda. La cola ye extraordinariamente elongada y de color negru. El pescuezu ta desprovistu de plumes, y tórnase coloráu brillante mientres la dómina de celu.
Hábitat
editarEl yetapá de collar habita pacionales húmedos, na redoma d'esteros o bañaos. Añera ente les camperes altes, en tierra, y aliméntase d'inseutos y pequeños moluscos. La reproducción tien llugar en primavera.
La especie sumió prácitcamente de Brasil, onde-y la columbró per última vegada en 1974, y nel Uruguái, onde nun se vio dende 1986. En 1993, la población en Corrientes envalorábase alredor de les 23.000 aves, y créese que güei nun algamar los venti mil individuos. El so área de distribución amenorgóse a 41.500 km² en 1991.
Nes zones qu'ocupaba d'antiguo escontra'l sur del so rangu migraba escontra'l norte ente febreru y marzu; güei, col amenorgamientu del so hábitat, ye cuasi invariablemente residente.
Caltenimientu
editarAlcuéntrase severamente amenazáu pol tresformamientu del so hábitat, usáu n'agricultura y ganadería, perdiéndose les zones de pacionales nes qu'añeraba. Otros factores, como la ereición de la represa de Yacyretá y el banzáu creáu pola mesma, esaniciaron antigües zones de población.
Referencies
editar- BirdLife International (2006) Fueya de datos sobre Alectrurus risora. Comprobada'l 5/8/2006 (n'inglés)
| Wikispecies tien un artículu sobre Alectrurus risora. |
Datos: Q1272664
Multimedia: Alectrurus risora
Especies: Alectrurus risora
