Amanita citrina
Amanita citrina ye un fungu basidiomicetu del orde Agaricales, qu'habita tanto en montes de coníferes como de frondosas. Ye una especie termófila, que nun ta avezada a los climes fríos. Suélse-y atópase en suelos arenosos, que son acedos y probes en nutrientes. Forma asociaciones micorrícicas, preferentemente con coníferes. El cuerpu granible apruz dende finales de branu a finales de seronda. El so sabor ye desagradable, polo que nun se-y considera un fungu comestible.[1]
Amanita citrina  | ||
|---|---|---|
 | ||
| Clasificación científica | ||
| Reinu: | Fungi | |
| División: | Basidiomycota | |
| Clas: | Agaricomycetes | |
| Subclas: | Agaricomycetidae | |
| Orde: | Agaricales | |
| Familia: | Amanitaceae | |
| Xéneru: | Amanita | |
| Especie: |
A. citrina (Schaeff.) Pers., 1797 | |
| Consultes | ||
| [editar datos en Wikidata] | ||
| Amanita citrina Carauterístiques micolóxiques  | ||
|---|---|---|
 | ||
 | ||
 | ||
 | ||
 | ||
 | ||
 | ||
| [editar datos en Wikidata] |
Morfoloxía
editarEl cuerpu granible ta rematáu por un sombreru d'ente 5 y 10 centímetros de diámetru, de forma hemisférica n'exemplares nuevos y esplanada en cogordes más desenvueltes. Presenta un color mariellu llimón bien pálidu, que puede variar escontra'l verde amarellentáu o'l verdosu. Tamién puede ser dafechu blancu. De cutiu presenta na so superficie restos del velo, que forma grandes plaques —blanques, amarellentaes o parduces—. Tien una cutícula xelatinosa y que s'esprende con facilidá. Los márxenes del sombreru son llisos y les llámines son llibres y prietas, de color blancu o amarellentaes. El pie mide ente 10 y 12 centímetros de llargu y ente 1 y 1,5 d'anchu, blancu amarellentáu, y tien un ampliu aniellu amarellentáu, con superficie estriada. La volva ye de gran tamañu, cilíndrica con un cantu cortáu bien característicu. La so carne ye blanca, amarellentada na zona darréu inferior a la cutícula, y nun tien valor como comestible, pol so mal sabor.[1]
Posibilidaes de tracamundiu
editarYe posible confundilo con exemplares blancos de la especie Amanita phalloides, según con Amanita virosa, dambes bien tóxiques.[1]
Referencies
editar- ↑ 1,0 1,1 1,2 Grünert, H.; Grünert, R. (1984). Guíes de Naturaleza Blume: Cogordes (t. orixinal:"Pilze"). Barcelona: Blume, páx. 16. ISBN 84-87535-11-9.
Enllaces esternos
editar
Wikimedia Commons acueye conteníu multimedia sobre Amanita citrina.
| Wikispecies tien un artículu sobre Amanita citrina. |
Datos: Q935729- Multimedia: Amanita citrina
Especies: Amanita citrina
