Amanita fulva
Amanita fulva ye un fungu basidiomiceto del orde Agaricales, frecuente, qu'habita en montes de coníferes, especialmente en zones húmedes, baxu pinos y sobre suelos acedos. Puede atopáse-y, con menos frecuencia, en montes de frondoses. El so cuerpu granible brota dende principios de branu a finales de seronda. Ye una cogorda comestible, anque pola so fraxilidá, nun ye fácil recoyer de manera fayadiza. L'epítetu específicu fulva significa "mariellu acoloratao". Al igual que A. vaginata, pertenez al subxéneru Amanita, seición Vaginatae,[1][2] na que se clasifiquen unes 13 especies, toes elles ensin aniellu, de diversos colores –blancu, gris o marrón en delles tonalidaes– y d'aspeutu asemeyáu.[3]
Amanita fulva  | ||
|---|---|---|
 | ||
| Clasificación científica | ||
| Reinu: | Fungi | |
| División: | Basidiomycota | |
| Clas: | Agaricomycetes | |
| Orde: | Agaricales | |
| Familia: | Amanitaceae | |
| Xéneru: | Amanita | |
| Especie: |
A. fulva (Schaeff.) Secr. | |
| Consultes | ||
| [editar datos en Wikidata] | ||
| Amanita fulva Carauterístiques micolóxiques  | ||
|---|---|---|
 | ||
| El sombreru ye mamelonáu | ||
 | ||
 | ||
 | ||
 | ||
 | ||
| [editar datos en Wikidata] |
Descripción
editarLa so cogorda tien un sombreru d'ente 3 y 7 centímetros de diámetru, de color caoba o marrón acoloratao, con acanaladuras nos cantos. N'exemplares nuevos ye acampanáu y darréu faise esplanáu calteniendo un mamelón central. De normal, nun s'aprecien restos de la velo. Les llámines son llibres, anches y apertaes, de color blancu. El pie mide ente 7 y 12 centímetros d'altu y ente 0,8 y 1,2 centímetros de diámetru, nun tien aniellu y ye de color blancu o llixeramente caoba. Na base del pie atopa la volva, de color blancu puercu. La so carne ye blanca, de gran fraxilidá y con poco golor y sabor. La esporada ye blanca.[3]
Posibilidaes de tracamundiu
editarYe posible confundila con exemplares de la especie, tamién comestible, Amanita crocea, de color más claru, más robusta, col pie amarellentáu y cebreado, y dacuando cubierta de restos del velo.[3]
Referencies
editar- ↑ Corner, Y.J.H.; Bas, C. (1962). «The genus Amanita in Singapore and Malaya» (n'inglés). Persoonia 2: páxs. 241–304.
- ↑ Bas, C. (1969). «Morphology and subdivision of Amanita and a monograph of its section Lepidella» (n'inglés). Persoonia 5: páxs. 285-579.
- ↑ 3,0 3,1 3,2 Grünert, H.; Grünert, R (1984). Guíes de Naturaleza Blume: Cogordes (t. orixinal:"Pilze"). Barcelona: Blume, páx. 26. ISBN 84-87535-11-9.
Enllaces esternos
editar
Wikimedia Commons tien conteníu multimedia tocante a Amanita fulva.
| Wikispecies tien un artículu sobre Amanita fulva. |
Datos: Q301792- Multimedia: Amanita fulva
Especies: Amanita fulva
