Anser erythropus
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
El gansu nanu[2] (Anser erythropus) ye una especie d'ave anseriforme de la familia Anatidae mesma d'Eurasia. Ye una ave migratoria que cría nes rexones ártiques y pasa l'iviernu nel sureste d'Europa, oriente mediu y el alloñáu oriente.
Anser erythropus gansu nanu  | ||
|---|---|---|
 | ||
| Estáu de caltenimientu | ||
 Vulnerable (IUCN)[1] | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Anseriformes | |
| Familia: | Anatidae | |
| Xéneru: | Anser | |
| Especie: |
A. erythropus (Linnaeus, 1758) | |
| Consultes | ||
| [editar datos en Wikidata] | ||
Descripción
editar_(3).JPG)
_(5).JPG)
Como indica'l so nome, el gansu nanu ye un gansu de pequeñu tamañu, colos sos 53-66 cm de llargu y 120-135 cm d'envergadura alar, ye solo daqué mayor qu'un coríu real (Anas platyrhynchos). Tien un aspeutu bien asemeyáu al so pariente cercanu, el gansu caretu (Anser albifrons), anque s'estremen fácilmente pol so tamañu. Dambos tienen el plumaxe de color pardu buxu con llistáu negru nes partes inferiores y la parte posterior blanca, y tienen les pates de color naranxa intensu y el picu rosáu. Dambos carauterícense por tener la parte frontera de la cara blanca, anque la mancha blanca del gansu nanu estiéndese más arriba. Amás los adultos de gansu nanu tienen un aniellu ocular mariellu del qu'escarez el gansu caretu.
Distribución y hábitat
editarCría na tundra d'Europa y Asia, anque arralez na rexón ártica europea. Prefieren nesti mediu la proximidá de ríos y llagos, anque nun eviten les altes llanures y llugares predresos. Ye una ave migratoria que vuela escontra finales d'agostu y setiembre escontra'l sureste d'Europa, principalmente a les rexones costeres del mar Adriáticu y mar Negru, oriente mediu (al sur y suroeste del Caspiu) y l'estremu oriental d'Asia (Corea, Xapón y este de China).
Comportamientu
editar_(1).JPG)
Esti gansu aliméntase sobremanera de partes verdes y tienres de diverses plantes. La fema pon cuatro o cinco güevos que guara de 25 a 28 díes. Tres la eclosión de los güevos el machu ayuda a vixilar a los pequeños nos sos primeros pasos, y tarden en desenvolvese y aprender a volar unos 60 díes.
Caltenimientu
editarEl gansu nanu ye considerada una especie vulnerable, polo qu'esisten programes de reintroducción p'ampliar la so área de distribución. Amás ye una de les especies a les que s'aplica l'alcuerdu de caltenimientu sobre aves acuátiques migratories afroeurasiátiques (AEWA).
Envalórase que la población de Fenoscandia ye xenéticamente distinta y queden unes 20 pareyes reproductores, o ente 60–80 individuos en total a lo más. Críen nel norte de Noruega y pasen l'iviernu en Grecia, Hungría, Bulgaria y Turquía. El so principal llugar d'escala ye'l parque nacional del Hortobágy, n'Hungría, au estos gansos pasen dos meses mientres la seronda y unu más mientres la migración primaveral.[3]
Referencies
editar- ↑ BirdLife International (2012). «Anser erythropus» (inglés). Llista Roxa d'especies amenazaes de la UICN 2014.3. Consultáu'l 11 de xineru de 2014.
- ↑ URL de la referencia: http://www.sabencia.net/nomenclator.php.
- ↑ «Flock size measures of migrating Lesser White-fronted Geese Anser erythropus». Acta Zoologica Academiae Scientiarum Hungaricae 58: páxs. 297–303. 2012. http://www.zoologia.hu/list/LWfG.pdf.
Enllaces esternos
editar
Wikimedia Commons acueye conteníu multimedia sobre Anser erythropus.
| Wikispecies tien un artículu sobre Anser erythropus. |
Datos: Q191628- Multimedia: Anser erythropus
Especies: Anser erythropus
