Anthus cervinus
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
El chis de papu roxu[2] (Anthus cervinus) ye una ave paseriforme de la familia Motacillidae que s'atopa n'Eurasia, América del Norte y el norte d'África.
Anthus cervinus chis de papu roxu  | ||
|---|---|---|
 | ||
| Estáu de caltenimientu | ||
 Esmolición menor (IUCN)[1] | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Passeriformes | |
| Familia: | Motacillidae | |
| Xéneru: | Anthus | |
| Especie: |
A. cervinus (Pallas, 1811) | |
| Distribución | ||
 | ||
| Consultes | ||
| [editar datos en Wikidata] | ||
Descripción
editarEsta especie de chis ye de pequeñu tamañu, de 15 cm de llargor corporal.[3] Los machos adultos pel branu, la so dómina d'apareyamientu, son fácilmente identificables pol color coloráu de la so cara, pescuezu y gargüelu. Les femes y los machos col so plumaxe non reproductivu paécense enforma a otres especies de chises, yá que'l so gargüelu namái tien un llixeru tonu acoloratáu. El so mantu cimeru ye de tonos pardos arrallaos n'escuru y el so abdome ye de colores ablancazaos chiscáu por llixos escuros allargaes. Los xuveniles tienen el gargüelu blancu con llistes malares negres.
Como tolos chises son aves qu'emiten diversos y variaos soníos, tantu en vuelu como tando posaos.
Distribución y hábitat
editarCría nel norte d'Europa, Asia y Alaska. Ye un migrador de llarga distancia que se mueve a África, Asia oriental y la mariña occidental d'EE.XX. pa pasar l'iviernu. N'Europa Occidental apaez de camín migratoriu camín del norte d'África y como divagante.
Viven principalmente n'árees de llamargales baxes y abiertes, con arbustos de fueya caduca. El so hábitat reproductivu son los medios palustres y la tundra húmeda. Mientres les migraciones paran n'árees húmedes ensin árboles, pero tamién en zones seques y campos llabraos.
Comportamientu
editarEl so vuelu ye fuerte y direutu. Ye sociable y forma pequeñes bandaes mientres la migración.
Principalmente ye insectívoru, como tolos sos parientes, pero tamién come granes.
Reproducción
editar
Faen los ñeros ente la vexetación y ponen los güevos ente mayu y xunu. Ponen ente 4 y 7 güevos que son guaraos cuasi puramente pola fema ente 10 y 13 díes, anque'l machu ayuda na alimentación. Los pitos tarden de mes y mediu a dos meses en volar.
Referencies
editar- ↑ BirdLife International (2009). Anthus cervinus. 2009 Llista Roxa d'Especies Amenazaes IUCN. IUCN 2009. Consultáu'l 5 d'ochobre de 2010.
- ↑ URL de la referencia: http://sabencia.net/1esq.php?consulta1=anthus%20cervinus.
- ↑ Beaman, M. y Madge, S. (1998) Guía d'identificación de les aves d'Europa, norte d'África y próximu oriente. P. 581. Ed. Omega ISBN 84-282-0946-4
Bibliografía
editar- Lars Svensson, Peter J. Grant, Killian Mullarney, Dan Zetterström: Der neue Kosmos Vogelführer. Kosmos, Stuttgart; 1999: S. 250-251. ISBN 3-440-07720-9
- Einhard Bezzel: Kompendium der Vögel Mitteleuropas. Passeres - Singvögel. Aula, Wiesbaden, 1993: S. 91-95. ISBN 3-89104-530-1
Enllaces esternos
editar
Wikimedia Commons acueye conteníu multimedia sobre Anthus cervinus.
| Wikispecies tien un artículu sobre Anthus cervinus. |
- Ficha, semeyes y videos en Internet Bird Collection (n'inglés)
- Ficha n'Avibase
Datos: Q241347- Multimedia: Anthus cervinus
Especies: Anthus cervinus
