Ara Malikian

Ara Malikian (14 de setiembre de 1968, Beirut) ye un violinista español, d'orixe libanés, ascendencia armenia y con residencia en Madrid, España.

Ara Malikian
Vida
Nacimientu	Beirut, 14 de setiembre de 1968 (55 años)
Nacionalidá	España El Líbanu
Residencia	ensin valor
Estudios
Estudios	Guildhall School of Music and Drama (es) Hochschule für Musik, Theater und Medien Hannover (es)
Llingües falaes	castellanu
Oficiu	violinista
Instrumentu musical	violín
Discográfica	Picos & Ham Records (es)
IMDb	nm0539606
aramalikian.com

Estudios iniciales

Ara Malikian nació en 1968 nel senu d'una familia armenia. Entamó a tocar el violín a bien curtia edá de la mano de so pá. El so talentu foi reconocíu mui llueu a pesar de les difíciles circunstancies que la guerra civil libanesa obligaron-y a vivir, forzándo-y incluso a estudiar mientres llargos periodos nos abellugos antiaéreos.

Dio'l so primer conciertu importante con 12 años y a los 14 el direutor d'orquesta Hans Herbert-Jöris escuchólu y consiguió-y una beca del gobiernu alemán pa cursar estudios na Hochschule für Musik und Theater Hannover. Con 15 años foi l'alumnu más nuevu almitíu nesti prestixosu centru cimeru d'estudios musicales. Darréu amplió los sos estudios na Guildhall School of Music & Drama de Londres, amás de recibir lleiciones de dalgunos de los más prestixosos profesores del mundu como Franco Gulli, Ruggiero Ricci, Ivry Gitlis, Herman Krebbers o miembros del Alban Berg Quartet.

Carrera como intérprete

Ganó numberosos concursos de prestixu mundial, ente los que cabo destacar los primeros premios llograos nos concursos internacionales “Felix Mendelssohn” (1987 Berlín, Alemaña) y “Pablo Sarasate” (1995 Pamplona, España) amás de los premios recibíos en concursos como “Niccolo Paganini” (Xénova, Italia), “Zino Francescatti” (Marsella, Francia), “Rodolfo Lipizer” (Gorizia, Italia), “Mocedaes Musicales” (Belgráu, Yugoslavia), “Rameau” (Le Mans, Francia), “Internacional Artist Guild” (Nueva York, USA), y na Internacional Music Competition of Japan”. En 1993 recibió'l "Premiu a la dedicación y el cumplimientu artísticu” del Ministeriu de Cultura d'Alemaña.

Tocó nes meyores sales de conciertu del mundu en más de cuarenta países nos cinco continentes: Nueva York (Carnegie Hall), París (Salle Pleyel), Viena (Musikverein), Toronto (Ford Center), Madrid (Auditoriu Nacional y Teatru Real) Zurcí (Tonhalle), Londres (Barbican Centre), Cádiz (Gran Teatru Falla), Tokiu, Istambul, Berlín, Atenes, Venecia, Los Angeles, Taipéi, Ḥong Kong, Kuala Lumpur, Cuba, Bogotá, Múnich, Barcelona, Bilbao y Ecuador (Teatru Sucre) ente otros. Tamién participó nos festivales de Aspen, Colamar, Prades, Schleswig-Holstein, Braunschweig, San Sebastián, Segovia, Bergen, Freden, Metlach , Praga y Buñol

Como violín solista foi convidáu por formaciones de la talla de la Orquesta Sinfónica de Tokiu, Orquesta Sinfónica de Bamberg, Zurcí Chamber Orquestra, Xénova Opera Orquestra, Orquesta Sinfónica de Madrid (OSM), Sinfónica de Portugal, Orquesta de Cámara de Tubingen, Virtuosos de Moscú, Filarmónica de Belgráu, Orquesta de cámara de Toulouse, Filarmónica d'Armenia y orquestes de la Comunidá de Madrid ente otres, so la batuta de direutores tan importantes como Mariss Janssons, Peter Maag, Jesús López Cobos, Vladimir Spivakov, Miguel Ángel Gómez Martínez, Luis Antonio García Navarro, Vassili Sinaisky, Edmond de Stoutz, Gudni Emilson, Juan José Mena o Jo Ann Falleta.

Actividaes más recién

Foi concertinu de la Orquesta Sinfónica de Madrid (Teatru Real de Madrid), col que llogró un gran ésitu interpretando como solista de Le boeuf sur le toit de Darius Milhaud, en versión pa violín y orquesta, so la direición de Gómez Martínez y el Conciertu pa violín y orquesta en Re menor de Khachaturian cola batuta de Jesús López Cobos.

Participó nel festival “Caprichos Musicales de Comillas”, en Cantabria, en toles ediciones dende'l so entamu en 2004 hasta'l 2013, y foi codireutor xunto al cellista Serguei Mesropian.

La so estrecha collaboración con José Luis Montón, unu de los más destacaos guitarristes flamencos actuales, abrió un nuevu camín na música española actual. Tamién collaboró ente otros cola cantante libanesa Fairuz, los baillarinos flamencos Joaquín Cortés y Belén Maya, n'Ensamble Nuevu Tangu y el pianista de jazz Horacio Icasto. La so presencia foi solicitada por importantes compositores de música de cine como Alberto Iglesias, con quien grabó la banda sonora de Hable con ella, d'Almodóvar o Pascal Gainge n'El otru barriu de Salvador García Ruiz.

Ara Malikian ye artista esclusivu de Warner España, compañía cola que grabó Manantial y De la felicidá acompañáu pol guitarrista flamencu José Luis Montón. Esti postreru CD foi nomáu pola Academia Española de la Música como'l meyor discu de Nueva música del añu. Con Warner, Malikian grabó tamién un doble CD con delles de les más destacaes obres de Paganini, incluyendo los sos famosos 24 caprichos pa violín solu, un álbum con obres de Sarasate acompañáu al pianu pol pianista armeniu Serouj Kradjian, les 6 Sonates pa violín solu de Ysaÿy y les Sonates y Partitas pa violín solu de Johann Sebastian Bach.

Ara Malikian foi nomáu por partida doble como meyor intérprete de música clásica nos Premios de la Música 2007, pola so grabación del Poema Concertante de Xavier Montsalvatge al pie de la Orquesta Sinfónica de Castiella y Lleón; según pol so trabayu xunto a Joan Valent, Suso Sáiz y Marc Blanes.

Dende l'añu 2006 collabora cola Fundación Non Profit Music y el compositor madrilanu Jorge Grundman na creación de la orquesta de cámara Non Profit Music Chamber Orchestra dedicada a espublizar la obra de compositores contemporáneos dientro de la llamada Nueva Música Consonante. Frutu del trabayu d'esta collaboración son la publicación de los trabayos Tears of Beauty y Meeting with a friend.

Nel 2007 crea y coproduce al pie de la compañía Yllana l'espectáculu "PaGAGnini", que s'estrena en 2008 con Thomas Potiron, Eduardo Ortega y Gartxot Ortiz, con quien fai una revisión en clave humorística y teatral de pieces cume de la música clásica, d'autores como Sarasate, Manuel de Falla, Luigi Boccherini, Johann Pachelbel, Shigeru Umebayashi, Mozart, Serge Gainsbourg y Paganini. "PaGAGnini" caltién una xira internacional colos actuales integrantes: el mesmu Ara Malikian, Fernando Clemente, Eduardo Ortega y Jorge Furnadjiev, siendo presentáu n'España en numberoses ocasiones y nunos 25 países d'Europa, América y Asia.

Nel añu 2008 foi doblemente nomáu a los Premios de la Música precisamente pol so trabayu cola Non Profit Music Chamber Orchestra como meyor intérprete de música clásica por Meeting with a friend y tamién per Lejos, xunto al guitarrista arxentín Fernando Egozcue. Esi mesmu añu fízose cargu de la direición d'una orquesta pa la grabación del álbum del grupu de rock español Extremoduro, La ley innata.

Nel 2009 participó na producción y creación del conciertu escenificau pa públicu familiar Cuentos del mundu, la hestoria d'un home feliz. Cola direición escénica de Marisol Rozo y direición musical d'Ara Malikian. Nel mesmu añu estrenó'l conciertu Músiques cíngares; melodíes de los distintos países musicalmente influyíos polos cíngaros desque empezaron el so viaxe dende la India hasta que llegaron a España.

A partir del añu 2010 formó parte del grupu de presentadores del programa infantil-xuvenil de La 2, de Televisión Española, El club del Pizzicato (dedicáu a dar a conocer la música clásica y de distintos compositores al públicu más nuevu), llamáu a cencielles Pizzicato na so segunda temporada, empecipiada'l 1 d'ochobre de 2011 y qu'en 2012 siguió grabando otra temporada. Nel mesmu añu, collabora nel documental de José Carrasco tituláu Armeniu, estrenáu na selmana internacional de cine de Valladolid 2010.

Nel 2011 estrenó dellos espectáculos, ente ellos Payo Bach, coproducción d'Ara Malikian con José Luis Montón, Les ocho estaciones de Vivaldi y Piazzolla y Caprichos pa violín y cuerpu cola direición teatral de Marisol Rozo. Toes elles convertíes en xires posteriores. Esi mesmu añu vuelve collaborar con Extremoduro pal so álbum Material defectuosu.

Nel 2012 estrenó la obra Los Divinos, coproducción d'Ara Malikian y José Manuel Zapata, cola direición escénica de Marisol Rozo que tamién foi xira.

En xunetu de 2013 collabora en Los viaxes inmóviles, discu de slam del raperu alicantín Nach nel que participa tocando los violinos del LP. Dichu trabayu nun foi llanzáu hasta febreru de 2014.

El 8 d'agostu de 2016 actua nel teatru romanu de Mérida mientres el Festival Internacional de Teatru Clásicu col so conciertu 15 Sinfónicu.

Valoraciones

La so molición musical y humano llevaron a Ara Malikian a afondar nos sos propios raigaños armenios y asimilar la música d'otres cultures del Mediu Oriente (árabe y xudía), Centru Europa (xitana y klezmer), Arxentina (tangu) y España (flamencu), tou ello dientro d'un llinguaxe bien personal nel que se dan la mano la fuercia rítmico y emocional d'estes músiques col virtuosismu y l'espresividá de la gran tradición clásica europea.

Posesor d'un ampliu repertoriu, qu'inclúi la práutica totalidá de les grandes obres escrites pa violín (conciertos con orquestes, sonates y pieces con pianu y música de cámara) estrenó tamién obres de compositores actuales como Franco Donatoni, Malcom Lipkin, Luciano Chailly, Ladislav Kupkovic, Loris Tjeknavorian, Lawrence Roman y Yervand Yernakian. Malikian ye amás unos de los pocos violinistes que realiza recitales pa violín solu con programes dedicaos a integrales tan significatives como los 24 Caprichos de Paganini, les 6 Sonates de Eugène Ysaÿy y les Sonates y Partitas de Bach.

Discografía

• Le quattro stagioni (1995)
• 750 Jahre Wölpinghausen (1996)
• Miniatures (1996)
• Bow on the String (1997)
• 500 motivaciones (1999)
• All Seasons for Different (2000)
• Robert Schumann (2000)
• 24 Caprices for Solo Violin by Paganini (2003)
• Sarasate (2003)
• Six Sonatas for Solo Violin by Ysaÿy (2003)
• Sonatas and Partitas for Solo Violin by Bach (2003)
• El arte del violín (2004)
• Manantial (2002/2004)
• The Four Seasons by Vivaldi (2004)
• De la felicidad (2005)
• Tears of Beauty (2006)
• Meeting with a friend (2007)
• De los Cobos / Montsalvatge (2005)
• Lejos (2007)
• Conciertos románticos españoles de violín (Orquesta sinfónica de Castiella y Lleón-Alejandro Posada y Ara Malikian-2010)
• Con los ojos cerrados (Ara Malikian y Fernando Egozcue Quintetu- 2011)
• Chirstmas mood (2011)
• Pizzicato (2013)
• 15 (2015)

Como artista invitáu

• Insula poética, En Son Brull (2006)
• La llei innata, Extremoduro (2008)
• Material defectuosu, Extremoduro (2011)
• Krasivuye glazha, Huecco (2011)
• Pa tolos públicos, Extremoduro (2013)
• Los viaxes inmóviles, Nach (2014)
• Ambrosía, Juan Antonio Valderrama (2014)

Bandes sonores

• Manolito Gafotas (1999) - Dirixida por Miguel Albaladejo.
• L'otru barriu (2000) - Dirixida por Salvador García Ruiz.
• Los pasos perdíos (2001) - Dirixida por Manane Rodríguez.
• Hable con ella (2002) - Dirixida por Pedro Almodóvar.
• La mala educación (2005) - Dirixida por Pedro Almodóvar.
• Pájaros de papel (2010) - Dirixida por Emilio Aragón.

Enllaces esternos

• Web oficial
• Páxina en Facebook d'Ara Malikian
• Twitter d'Ara Malikian

• Datos: Q3393715
• Multimedia: Ara Malikian