Valdornón
Valdornón[3] ye una parroquia del conceyu de Xixón, na Comunidá autónoma d'Asturies.
 Valdornón | |
|---|---|
.jpg) | |
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Xixón |
| Partíu xudicial | Xixón |
| Tipu d'entidá | parroquia d'Asturies |
| Nome oficial | Valdornón (ast)[1] |
| Xeografía | |
| Coordenaes | 43°27′33″N 5°36′42″W / 43.45929°N 5.6116°O |
  Valdornón Valdornón (Asturies) | |
| Superficie | 7.763 km² |
| Altitú | 177 m[2] |
| Llenda con | Caldones, Fano, Candanal y La Collá |
| Demografía | |
| Población | 187 hab. (2020) |
| Porcentaxe | 0.07% de Xixón |
| Densidá | 24,09 hab/km² |
| Más información | |
| Estaya horaria | UTC+01:00 |
 | |
En 2008 tenía una población de 194 habitantes[4], de los que 91 son homes y 103 muyeres.
Ye la parroquia qu'ocupa la parte suroriental del conceyu, llimita colos conceyos de Villaviciosa, Siero y Sariegu. El puntu onde llenden toos ellos ye la Peña los cuatro xueces a 662 metros d'altitú.
Etimoloxía
editarSegún Isidoro Cortina Frade, el término Valdornón remanez de la evolución del vocablu Val de Ranón. Asina se constata nos documentos antiguos, como “Sancte Eulalie de Ranone” (DCO a. 921, c. XII), “Santa Olalla de Ranon” (a. 1381), “Santa Olalla de Valderra non” (a. 1440) en viejos textos (CHMG p. 308ss).[5]
Historia
editarEl primer documentu onde se cita a Valdornón ye'l testamentu d'Ordoñu II, como donación a la ilesia del San Salvador d'Uviéu. La so data ye del 8 d'agostu del añu 921, anque se trate d'una falsificación, esti testamentu contién datos auténticos:
...et ecclesiam cuni illa magna serena, usque in villa careses et sancti iohannis de monneo et sancti petri de collata, et sanctae eulaliae de ranone...
Santolaya tien gran adoración n'Asturies yá dende dómina medieval, conservándose numberoses ilesies baxo'l so patronalgu. La ilesia entardó dellos años en ser reconstruyida dende'l so valtamientu en 1936. Fízose ente 1956 y 1958 de la mano de Miguel y Javier García-Lomas, con un montu qu'entóncenes ascendía a 381.954,09 pesetes y que foi executáu pol mesmu pueblu en réxime de sestaferia dada la precariedá de los medios nesi momentu.
Llocalidaes
editar| Nᵘ | Nome
|
Población | % población Valdornón
|
|---|---|---|---|
| 1 | La Mata
|
n/d
| |
| 2 | Quintana
|
n/d | |
| 3 | Riosecu
|
n/d | |
| 4 | Salientes
|
n/d | |
| 5 | Santolaya
|
n/d | |
| 6 | Tarna
|
n/d |
Sitios
editar- Brañanueva
- El Caleru
- El Caxigal
- El Gachero
- El Gañón
- El Llaviáu
- El Molín
- El Tiroco
- Gorgoyo
- La Boroñá
- La Campa
- La Cortina
- La Parea
- La Podá
- Los Corros
- Los Llagos
- Migule
- Ramadiella
- Treboria
Referencies
editar- ↑ Data de consulta: 9 abril 2019. URL de la referencia: https://sede.asturias.es/bopa/2006/10/03/20061003.pdf. Páxina: 19023.
- ↑ Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.
- ↑ «Espediente colos topónimos oficiales de Xixón». BOPA.
- ↑ Institutu Nacional d'Estadística
- ↑ Xosé Lluis García Arias. Toponimia Asturiana. El porqué de los nombres de nuestros pueblos
Enllaces esternos
editar
Wikimedia Commons acueye conteníu multimedia sobre Valdornón.
| Parroquies de Xixón | ||||
|---|---|---|---|---|
|
