Banda Gaites Villaviciosa-El Gaitero

Banda Gaites Villaviciosa-El Gaitero
Datos
Tipu	Banda de gaites
País	España
Orixinarios de	Villaviciosa
Fecha fundación	1986
Tipu de gaites	Asturiana en Sib
Tipu de percusión	caxes alta tensión, timbales, bombu y tambor tradicional

Historia

La Banda Gaites Villaviciosa -El Gaitero- ñaz oficialmente nel añu 1986, formada por un garrapiellu d'escolinos y escolines de la escuela de música tradicional que tiempu enantes echare a andar na capital manzanera José Ángel Hevia, mayestru gaiteru y direutor de la Banda Gaites dende'l so entamu hasta l'añu 2001.

Nos sos 35 años d'esistencia, la Banda Gaites Villaviciosa llevó la so música per tolos requexos d'Asturies y a númberosos puntos de la xeografía d'España, pero tamién a dellos países d'Europa y América.

Ye la banda de gaites asturiana que más vegaes participó nel Festival Intercélticu de Lorient (Bretaña, Francia), nos años 1990, 1991, 1995, 2000, 2005, 2012 y 2018. Y tien feches collaboraciones con artistes como'l grupu pop "Amistades Peligrosas" y el propiu Hevia.

Anguaño

Anguaño ta formada por unes 20 persones dixebraes en dos seiciones, gaites ya percusion, onde s'alcuentren les caxes d'alta tensión, los timbales o tambores tenores ya'l bombu. El so direutor musical ye Eduardo Llosa que dende esti añu^[¿cuándo?] encárgase tantu de les gaites como de la percusión.

Premios

En 1993 ganó'l " I Concursu de Bandes de Gaites" entamáu pola Conseyería de Cultura.
En 1994 y 1995 algamó'l primer puestu nel Concurso de Muestra y floclore Ciudad de Oviedo
En 2001 algama el tercer llugar nel I Campeonatu de Bandes de Gaites asturianes entamáu pola Federación Internacional de Gaiteros Asturianos (FIGA). En 2002 algamará'l subcampeonatu xunto cola Banda Gaites "Ribeseya" y en 2003 na tercer, y ultima edición del campeonatu, el cuartu puestu.
En 2005 ganen la XV Liga Galega de Bandas de Gaitas onde participen más de 125 formaciones de Galicia, Asturies, Portugal y España convirtiéndose na primer banda non gallega que lo fai. Amás, nesta edición ganen el II Concurso de Cuerpos de Percusión con una puntuacion cuasi perfeuta de 38,5 puntos sobre 40.
En 2006 ganen per segundu añu siguíu la Lliga Gallega, asina comu les tres fases que de les que se compón la competición.
En 2011 recíben el premiu "Aldea más guapa" a la so trayectoria, de la "Asociación de Amigos del Paisaje de Villaviciosa-Cubera".

Otres distinciones

"Urugallo de Bronce" del Centru Asturianu de Madrid
"Manzana de Plata" del Conceyu Villaviciosa.
Premiu AMAS 2018 (Anuariu la música n'Asturies) na categoría de Gaita.

Discografía

"Badarkablar", (1993).
"Gaiteros de Maquilán.La islla de piedra" (1995)

Referencies

Enllaces esternos

Banda Gaites Villaviciosa-El Gaitero en Facebook