Beta Lupi
Beta Lupi (β Lup)[8] ye una estrella de magnitú aparente +2,68, la segunda más brillosa de la constelación de Lupus dempués d'Alfa Lupi, y la 111 más brillosa del cielu nocherniegu.[9] Anque nun tien nome propiu habitual, dacuando recibe'l nome chinu de Kekouan o Ke Kwan, compartíu con κ Centauri, que'l so significáu ye l'oficial de caballería».
Coordenaes: 
14h 58m 31.925s, -43° 8′ 2.27″
Beta Lupi ye una caliente xigante azul de tipu espectral B2III con una temperatura efectivo de 22.650 K. Tan lluminosa como 13.600 soles, el so radiu ye 7,6 vegaes más grande que'l radiu solar. El so periodu de rotación, calculáu a partir de la midida de la so velocidá de rotación proyeutada (110 km/s), ye inferior a 3,4 díes.[10] Amuesa una metalicidá —bayura relativa d'elementos más pesaos que l'heliu— inferior a la solar ([M/H] = -0,35 ± 0,11).[11] Con una masa envalorada de 11 mases solares, la so edá averada ye de namái 18 millones d'años. Dempués de pasar pola fase de xigante colorada probablemente va acabar españando como una supernova.[10]
Beta Lupi ye una variable del tipu Beta Cephei, similar a Murzim (β Canis Majoris) a la enriba citada Alfa Lupi. Ye una variable multiperiódica con un periodu principal de 5,57 hores, anque nun se conoz bien la so amplitú de variación.[10]
Como otres estrelles de tipu O y B de la constelación de Lupus, Beta Lupi forma parte d'una asociación estelar OB llamada subasociación «Centaurus Cimera-Lupus» o UCL, que de la mesma forma parte de la gran Asociación Scorpius-Centaurus. Beta Lupi alcuéntrase a 524 años lluz de distancia del Sistema Solar.[10]
Referencies
editar- ↑ 1,0 1,1 Afirmao en: SIMBAD.
- ↑ 2,0 2,1 2,2 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- ↑ Afirmao en: From Cave Art to Hubble: A History of Astronomical Record Keeping. Páxina: 61. Obra completa en: https://www.google.ru/books/edition/From_Cave_Art_to_Hubble/_L-_DwAAQBAJ?gbpv=1&pg=PA61. Editorial: Springer International Publishing. Llingua de la obra o nome: inglés. Data d'espublización: 20 payares 2019.
- ↑ Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
- ↑ Afirmao en: Catalogue of rotational velocities of the stars. Stated in source according to: SIMBAD. Llingua de la obra o nome: inglés. Data d'espublización: xunu 1970.
- ↑ «Pulkovo Compilation of Radial Velocities for 35 495 Hipparcos stars in a common system» (n'inglés). Astronomy Letters (11): páxs. 759–771. payares 2006. doi:.
- ↑ «MK Spectral Types for Bright Southern OB Stars» (n'inglés). The Astrophysical Journal: páxs. 313–326. xunetu 1969. doi:.
- ↑ Beta Lupi (SIMBAD)
- ↑ «The 500 Brightest Stars in the Sky (Ashland Astronomy Studio)». Archiváu dende l'orixinal, el 2012-12-30.
- ↑ 10,0 10,1 10,2 10,3 «Beta Lupi (Stars, Jim Kaler)». Archiváu dende l'orixinal, el 2008-12-10.
- ↑ Niemczura, E.; Daszyńska-Daszkiewicz, J. (2005). «Metallicities of the β Cephei stars from low-resolution ultraviolet spectra». Astronomy and Astrophysics 433 (2). páxs. 659-669. http://cdsads.u-strasbg.fr/cgi-bin/nph-bib_query?2005A%26A...433..659N&db_key=AST&nosetcookie=1.
Coordenaes: 14h 58m 31.925s, -43° 8′ 2.27″
Datos: Q14231
