Biblioteca del Conservatoriu Superior de Música Eduardo Martínez Torner
La Biblioteca del Conservatoriu Cimeru de Música Eduardo Martínez Torner ye un centru de documentación ya información especializáu en Música que s'alluga n'Uviéu y que depende de la Conseyería d'Educación y Ciencia del Principáu d'Asturies.
| Biblioteca del Conservatoriu Cimeru de Música Eduardo Martínez Torner | |
|---|---|
biblioteca y biblioteca central (es)  | |
 | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Uviéu |
| Coordenaes | 43°21′42″N 5°50′34″W / 43.3617°N 5.84266°O |
  Biblioteca del Conservatoriu Superior de Música Eduardo Martínez Torner Biblioteca del Conservatoriu Superior de Música Eduardo Martínez Torner (Asturies) | |
| Historia y usu | |
| Apertura | 1988 |
| Web oficial | |
 | |
Orixe de la Biblioteca
editarLa biblioteca tien el so orixe na creación del propiu Conservatoriu Cimeru de Música Eduardo Martínez Torner, momentu nel cual dar# en la centralización de los materiales impresos que taben esvalixaos polos distintos departamentos del centru. Amás, procedióse, mientres los primeros meses, a amontar la coleición esistente por aciu l'adquisición d'aquelles obres que diben ser necesaries pa sofitar el curriculum docente de les nueves especialidaes que diben incorporándose. Na actualidá imparten enseñances de grau cimeru d'acordión, cantar, composición, instrumentos de cuerda, guitarra, órganu, percusión, pianu, instrumentu de vientu-metal, y instrumentos de vientu madera.[1]
Coleiciones
editarLa Biblioteca del Conservatoriu Cimeru de Música Eduardo Martínez Torner alluga más de 2000 monografíes, 8000 partitures, 1500 grabaciones sonores y 1200 videograbaciones. La tipoloxía documental dominante, como bien puede apreciase, ye la música impresa, con un pesu bien cimeru al del restu de los materiales. Dientro d'esti material, el instrumentu más representáu ye'l pianu, que se correspuende col instrumentu con más alumnos matriculaos, sígue-y el violín, el violonchelu y la guitarra. Dientro de los instrumento de vientu, el que tien mayor númberu d'obres ye'l clarinete. Dientro de les monografíes, les árees de conocencia más representaes son les que se correspuenden cola seición de Musicoloxía, porque l'amplitú del so significáu dexa que contenga les obres que nun tienen otres adscripción más clara; síguenlu Pedagoxía Musical, Historia de la Música, folclor y organoloxía. Nos últimos cursos académicos fuéronse introduciendo nueves materies en virtú de los requerimientos de los temarios y competencies tresversales esixíos pol EEES, y que xeneren nuevos enclinos na adquisición y consulta d'obres na biblioteca del centru.[2]
Servicio
editar- Lectura en sala. Por aciu esti serviciu, la biblioteca dexa la consulta nes sos propies instalaciones de los sos fondos por aciu un periodu de tiempu que coincide col horariu d'apertura y supón la cara más visible de la biblioteca dientro de la institución. Esti serviciu ta disponible pa tola comunidá educativa del conservatoriu y pal restu de la ciudadanía, previa solicitú.
- Préstamu. El préstamu de materiales ta acutáu pa la comunidá educativa del conservatoriu. Pa ello, l'usuariu va precisar autentificarse al traviés del carné qu'acredita la so pertenencia a la institución académica. Los alumnos van poder retirar un máximu de tres objeto de cada vez mientres un plazu máximu d'una selmana, independientemente de cómo combinen les tipoloxíes de materiales. El personal docente va poder retirar seis ítems mientres un plazu máximu de dos selmanes.
- Soporte a la investigación. La biblioteca del Conservatoriu Cimeru de Música "Eduardo Martínez Torner" ufierta'l so sofitu a la xera investigadora d'alumnos y profesores del centru, de forma innovadora, en tres tiempo: Antes, mientres y dempués del procesu.
- Catálogu en llinia. Toles obres allugaes na biblioteca atópense catalogaes y pueden ser alcontraes al traviés del catálogu en llinia.
- Alerta de novedaes. La biblioteca fai saber a los sos usuarios los postreros materiales recibíos.
- Serviciu d'espardimientu de convocatories y novedaes musicales. Al traviés d'un blogue, la biblioteca espubliza los principales eventos rellacionaos col mundu de la música de calter nacional ya internacional.[3]
Galería
editar |
 |
 |
Referencies
editar- ↑ «Plan d'Estudios». Consultáu'l 7 d'abril de 2016.
- ↑ FERNÁNDEZ MENÉNDEZ, Mercedes (2001). «Estudio de casu: La biblioteca del Conservatoriu Cimeru de Música del Principáu d'Asturies». Repositorio Institucional d'Asturies. Archivado del original el 2013-07-10. https://web.archive.org/web/20130710165602/http://ria.asturias.es/RIA/bitstream/123456789/2642/1/trabajo_fin_grado.pdf. Consultáu'l 7 d'abril de 2016.
- ↑ «Biblioteca del Conservatoriu Cimeru de Música "Eduardo Martínez Torner"». Consultáu'l 4 d'abril de 2016.
Datos: Q24051709
