Buteo lagopus
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
El buzacu pintu[1] (Buteo lagopus) ye una especie d'ave accipitriforme de la familia Accipitridae.[2][3]
Trátase d'un ave de presa d'aspeutu asemeyáu al buzacu[4]NOA (Buteo buteo) anque llixeramente mayor, tantu en tamañu como en volume. Habita espacios abiertos y la so dieta ta compuesta básicamente de pequeños mamíferos.[3]
Buteo lagopus buzacu pintu  | ||
|---|---|---|
_(Rough-legged_Buzzard)_(Fj%C3%A4llvr%C3%A5k).jpg) | ||
| Estáu de caltenimientu | ||
 Esmolición menor (IUCN) | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Accipitriformes | |
| Familia: | Accipitridae | |
| Xéneru: | Buteo | |
| Especie: |
B. lagopus (Pontoppidan, 1763) | |
| Distribución | ||
 | ||
| Consultes | ||
| [editar datos en Wikidata] | ||
Descripción
editarPresenta la fisonomía típica de rapaz. De mayor tamañu les femes que los machos, esta especie mide ente 50 y 60 cm de llargor, y al estender les sos ales presenta un valumbu que bazcuya ente los 120 y 150 cm. En cuanto al pesu, varia abondo según el so sexu, yá que ente que los machos pueden algamar de 600 a 1120 g, les femes lleguen a pesar ente 915 y 1660 g.[5]
Los güeyos son de color marrón castañu, el picu ye negru escontra la punta anque mariellu maciu nel so entamu, les pates tamién de color mariellu maciu y les garres negres.
Distribución
editarPropiu del Hemisferiu Norte, el buzacu pintu distribúise y añera en llatitúes altes d'Asia, América del Norte y Europa, onde namái cría na Península Escandinava, Finlandia y el norte de Rusia, yá que a partir d'ende estiéndese escontra Asia ocupando Siberia.[3][5]
Trátase d'una ave migradora, polo que mientres l'iviernu baxa del norte escontra'l centru, a llatitúes daqué más templaes, alcontrándose por casu n'Europa a lo llargo d'esta estación na Península Balcánica, nos Alpes, según na redolada del Mar del Norte, y por tanto en países o llugares como Dinamarca, islles Britániques, Alemaña, Holanda ya inclusive Bélxica y nordeste de Francia (onde constitúi una especie rara). Más estraña ye la so presencia nel nordeste d'España (Cataluña), au tamién s'alcuentra y con una presencia certificada por aciu observaciones homologaes y por tanto oldeaes.[3]
Subespecies
editarConócense cuatro subespecies de Buteo lagopus:[6]
- Buteo lagopus lagopus - Tundra y praderíes del norte d'Eurasia; invernante n'Eurasia central.
- Buteo lagopus menzbieri - nordeste d'Asia; invernante n'Asia central, norte de China y Xapón.
- Buteo lagopus kamtschatkensis - Península de Kamchatka; invernante nel este y centru d'Asia.
- Buteo lagopus sanctijohannis - Alaska y norte de Canadá; invernante hasta'l sur d'Estaos Xuníos.
Referencies
editar- ↑ URL de la referencia: http://www.sabencia.net/nomenclator.php.
- ↑ © 2009 BirdLife International. «Rough-legged Hawk Buteo lagopus» (inglés). Consultáu'l 24 d'abril de 2009. «BirdLife Species Factsheet»
- ↑ 3,0 3,1 3,2 3,3 www.enciclopediadelasaves.es. «Busardo calzado (Buteo lagopus)» (castellanu). Consultáu'l 24 d'abril de 2009. «La enciclopedia de les aves d'España»
- ↑ Sabencia. Nomenclator de seres vivos n'asturianu, buteo buteo.
- ↑ 5,0 5,1 Mariano Jimenez. «El Ratonero Calzado (Buteo lagopus)» (castellanu). Consultáu'l 25 d'abril de 2009. «Damisela.com»
- ↑ Clements, J.F.; T.S. Schulenberg, M.J. Iliff, B.L. Sullivan, & C.L. Wood. «The Clements Checklist of Birds of the World, Version 6.5». Cornell University Press. Consultáu'l 12 de xunu de 2011.
Enllaces esternos
editar
Wikimedia Commons acueye conteníu multimedia sobre Buteo lagopus.
| Wikispecies tien un artículu sobre Buteo lagopus. |
Datos: Q26407- Multimedia: Buteo lagopus
Especies: Buteo lagopus
