Cándido Saseta Echebarría

Cándido Saseta Echebarría
Vida
Nacimientu	Hondarribia, 13 d'avientu de 1904
Nacionalidá	España
Muerte	Les Regueres, 23 de febreru de 1937 (32 años)
Causa de la muerte	mancada por arma de fueu
Estudios
Llingües falaes	castellanu; vascu
Oficiu	militar
Serviciu militar
Cuerpu militar	Euzko Gudarostea (es)
Graduación	capitán
Lluchó en	Guerra Civil Española; Guerra del Rif

Cándido Saseta Echebarría (13 d'avientu de 1904, Hondarribia – 23 de febreru de 1937, Les Regueres) foi un militar vascu del exércitu de la República española siendo organizador de les milicies nacionalistes vasques durante la Guerra civil española.

Militar guipuzcoanu, ñació n'Hondarribia el 12 d'avientu de 1904. Del Institutu de San Sebastián pasó a los 15 años a l'Academia Militar d'Intendencia d'Ávila. Al entamar l'alzamientu militar de xunetu de 1936 yera capitán d'Intendencia de la guarnición de Vitoria. Fiel a la llegalidá republicana, sumóse a la columna qu'al mandu de Pérez Garmendia, partió pa Vitoria.

Nomáu xefe militar de la Comandancia d'Azpeitia, participó na creación del "Euzko Gudarostea" o Milicies Vasques (nacionalistes). Lluchó al cargu d'estos gudaris (milicianos vascos), pero n'inferioridá de condiciones, na retirada republicana a traviés de Guipúzcoa. Foi ún de los creadores de la llinia que, dende Lekeitio hasta Otxandio, llogró frenar l'avance de les brigaes nacionales. En xineru de 1937 foi nomáu Comandante d'"Euzko Gudarostea". En febreru d'esi mesmu añu foi unviáu al frente d'Asturies como xefe d'una de les dos brigaes que formaben la espedición vasca que collaboró na ofensiva gubernamental contra Uviéu y el pasiellu Grau. Nesti frente, na parroquia d'Areces (Les Regueres), alcontró la muerte'l 23 de febreru cuando se retiraba d'una posición que taba recibiendo un fuerte contrataque del enemigu. Ún de los batallones nacionalistes vascos llevó'l so nome.

Referencies editar

↑ URL de la referencia: http://www.aranzadi.eus/fileadmin/docs/antropologia_fisica/ExhumacionCandido%20Saseta.pdf.

Enllaces esternos editar

[b8791e0342d3d371f9fb18fbf30a8921b4375ccf-1] URL de la referencia: http://www.aranzadi.eus/fileadmin/docs/antropologia_fisica/ExhumacionCandido%20Saseta.pdf.

[1]