Camín d'aldea
Los caminos d'aldea xunen les aldegues y les poblaciones más pequeñes de mercáu rexonal, y son los caminos terciarios, secundarios y d'entrada. De normal, nun tienen firme, o tienen una capa delgada d'asfaltu; son más entrechaos, les curves son más zarraes y les cuestes más empinaes que les de les carreteres. Pueden ser pa toles estaciones o namái temporales y, de cutiu, tienen vaos o tresbordadores en cuenta de pontes. Les carreteres que crucien les rexones del campu, tengan firme o non, trátense nel artículu carretera.
| Camín d'aldea | ||||
|---|---|---|---|---|
| tipu de carretera | ||||
carretera autonómica (es)  , carretera provincial (es) , carretera y carretera municipal (es) | ||||
| ||||
 | ||||
Potenciales impautos ambientales editar
Los caminos d'aldea, como práuticamente toles intervenciones humanes, producen una serie d'impautos ambientales. Estos incluyen los efeutos direutos qu'asoceden nel sitiu de la construcción y la contorna de la vía de pasaxe autorizáu y los indireutos na rexón llindante. De vezu, estos impautos indireutos son enforma mayores que los direutos.
Impautos direutos editar
El principal impautu ambiental direutu venceyáu colos caminos d'aldea, ye la erosión. N'efeutu, en zones bien emprunes y con munches precipitaciones ye frecuente que'l mal caltenimientu del sistema de drenaxe provoque llenes llocales y erosión nos cantos del camín. Per otru llau, en zones planes, puede cortar el fluxu natural de l'agua. El caltenimientu afayadizu de los caminos ye esencial pa evitar los problemes ambientales y socioeconómicos .
Otra fonte de contaminación orixinada nos caminos d'aldea ta venceyada a la producción de polvu, que puede perxudicar los cultivos próximos a les víes y ser inclusive perxudicial pa la salú, per otru llau el ruíu causáu pol tráficu tamién puede tener efeutos perxudiciales pa los seres humanos y animales.
Otres posibles fontes de contaminación de l'agua y del suelu son los químicos que se chisquen xunto al camín o na vía de pasaxe autorizáu, pa controlar los bardiales y el polvu.
Impautos indireutos editar
La construcción de los caminos d'entrada nes árees remotes afala la migración escontra los terrenes vecinos ya induz modelos d'usu del terrén y d'esplotación de los recursos que son desaxeradamente difíciles de remanar o controlar. Los resultaos pueden ser:
- El trestornu severu de los pueblos naturales;
- La conversión del monte en terrenes pal ganáu;
- La invasión de les zarces y la degradación de la tierra, produciendo l'eventual abandonu del área.
Allugamientu del camín editar
L'allugamientu del camín constituye la decisión más crítica no que cinca a la so construcción. Esta va determinar, el tipu y la magnitú de los impautos ambientales y sociales que van causar. Los caminos d'aldea que más afeuten la redolada son los que:
- Traviesen les tierres de los pueblos indíxenes; o terrenes monteses críticos;
- Alterien l'equilibriu natural en zones con potenciales peligros naturales; árees que formen l'hábitat de la fauna montesa; y,
- Los que s'enfusen n'árees non aparentes pa los cambeos d'usu del suelu.
Impautos sociales positivos editar
La construcción d'un camín puede traer un ensame de beneficios pa la xente local, como por casu:
- Mayor accesu a los mercaos;
- Más servicios venceyaos col bienestar, tales como lletricidá, agua potable, servicios d'estensión, sistemes de créditu, servicios de salú y educación; estímulu a les agroindustries;
- Aumenta'l valor de los terrenes próximos pola mor l'usu más intensivu de la tierra;
- Mayores oportunidaes d'emplegu.
- Cambeos nos usos y métodos agrícoles que traen una medría de la producción y a superar l'agricultura de subsistencia con escedentes pa la venta y aumentu de prosperidá de los pueblos.
Impautos sociales negativos editar
Los principales inconvenientes que suelen presentase por causa de la construcción o cambéu sustancial de la rede de caminos d'aldea son:
- De cutiu, xuben los arriendos o camuda la propiedá o los derechos d'usu de los recursos, de les clases probes a les más riques;
- Puede afeutar negativamente a les minoríes étniques, que vivieron aisllaes xeográfica y políticamente del restu del país.
Ver tamién editar
Referencies editar
- Llibru de Consulta pa Evaluación Ambiental (Volume I; II y III). Trabayos Téunicos del Departamentu de Mediu Ambiente del Bancu Mundial
Referencies editar
Enllaces esternos editar
Datos: Q55121661
