Namibia
Namibia, oficialmente República de Namibia, ye un país allugáu nel suroeste d'África, na costa del Océanu Atlánticu. Tien llendes con Angola y Zambia pel norte, con Botsuana pel este y cola República Sudafricana pel sur. Magar que nun comparte frontera con Zimbabue, dambos países tán separtaos namái por menos de 200 m del cursu del ríu Zambeze. Namibia algamó la independencia de Sudáfrica'l 21 de marzu de 1990, tres de la guerra d'independencia namibia. La so capital, y ciudá mayor, ye Windhoek. Namibia ye un país miembru de les Naciones Xuníes, la Comunidá de Desenvolvimientu d'África Austral, la Xunión Africana y la Mancomunidá de Naciones.
.svg)
Namibia, el más secu de los países del África subsaḥariana, lleva miles d'años siendo habitada por xentes de los pueblos san, damara y nama. Alredor del sieglu XIV, dientru del procesu d'espansión de los bantús, aportaron a la rexón xentes d'esta etnia. De magar los grupos bantús, ente los cuales el mayor ye'l de los ovambo, tienen dominao la población del país, y son mayoría nella dende finales del sieglu XIX.
En 1878 la Colonia del Cabu, daquella una colonia británica, anexonose'l puertu de Walvis Bay y les islles Pingüinu, que pasaron a formar parte integral de la nueva Xunión Sudafricana cuando foi creada en 1910. En 1884 l'Imperiu alemán pasó a controlar la mayoría del territoriu actualmente namibiu, col que formó la colonia conocida como África del Sudoeste Alemana. Los alemanes, que desarrollaron l'agricultura y les infraestructures de la rexón, perpetraron un xenocidiu escontra la población herero y nama ente 1904 y 1908. El dominiu alemán finó en 1915, cuando foron derrotaos polos soldaos sudafricanos. En 1920, tres del fin de la Primer Guerra Mundial, la Lliga de Naciones encomendó-y l'alministración de la colonia a Sudáfrica. Esta impuso les sos lleis, incluyies la so clasificación racial y les sos normes raciales. De magar 1948, col Partíu Nacional nel poder, la politica del apartheid foi impuesta nesti territoriu que recibía d'aquella'l nome d'África del Sudoeste.
Según avanzaba'l sieglu XX, les demandes crecientes de representación política de los activistes políticos del país, que pidíen la independencia, dieron como resultáu la asunción poles Naciones Xuníes de l'alministración directa del territoriu en 1966, pesie a lo que Sudáfrica siguió calteniendo'l so control de facto. En 1973 la ONX reconoció a la Organización del Pueblu d'África del Sudoeste (South West Africa People's Organisation, SWAPO) como representante oficial del pueblu namibiu. Esta organización, dominada polos ovambo, la etnia dominante en númberu nel país, siguió cola so guerra de guerrilles. Sudáfrica estableció una alministración interina nel país en 1985, y concedió-y la independencia al país en 1990. Sicasí, Walvis Bay y les islles Penguin siguieron controlaes por Sudáfrica hasta 1994.
Namibia tien una población de 2,55 millones d'habitantes, que se gobiernen al traviés d'un sistema democráticu parllamentariu multipartidista. Agricultura, turismu y minería, de diamantes, uraniu, oru, plata y metales básicos, son la base de la economía del país, que tien un sector industrial poco desarrolláu. El desiertu del Namib, perestensu y peráridu, ocupa la mayor parte del territoriu d'esti país al que-y da nome, que ye ún de los de menor densidá de población del mundu.
HistoriaEditar
Primeros pobladoresEditar
Los descubrimientos arqueolóxicos fechos en Namibia, como la caxada fosilizada d'ún de los primeros homínidos atopada nos montes Otavi, les pintures rupestres de Damaraland o la ferramienta prehistórico del Namib, tienden a probar que'l continente africanu foi'l berciu de la humanidá.
A principios del sieglu IX, el país taba pobláu polos sans y los khoikhois, llegaos dende Bostwana 1 500 años antes, y los damares orixinarios del oeste de Sudán. La llegada de pueblos bantús que s'instalaron nel norte del territoriu, obligó a los sans y a los damaras a migrar pal sur.
Llegada de los europeosEditar
La colonización alemanaEditar
El mandatu sudafricanuEditar
La independenciaEditar
XeografíaEditar
Namibia compónse de cuatro fasteres estremaes:
- La costa atlántica y el desiertu de Namib, que-y da nome al país. Nél destaca la fastera occidental que da al océanu Atlánticu llamada Costa de los Esqueletos.
- La meseta central, onde tán allugaes les principales ciudaes.
- El desiertu de Kalahari al este.
- Los territorios del norte (Kavango y Caprivi) onde s'alcuentren les principales viesques del país.
Divisiones alministrativesEditar
Namibia ta dividida en 13 rexones:
EconomíaEditar
| África |
| Angola | Arxelia | Benín | Botsuana | Burkina Fasu | Burundi | Cabu Verde | Camerún | República Centroafricana | Chad | Comores | El Congu | República Democrática d'El Congu | Costa de Marfil | Eritrea | Etiopía | Exiptu | Gabón | Gambia | Ghana | Guinea | Guinea-Bisáu | Guinea Ecuatorial | Kenia | Lesothu | Liberia | Libia | Madagascar | Malaui | Malí | Marruecos | Mauriciu | Mauritania | Mozambique | Namibia | Níxer | Nixeria | Ruanda | Santu Tomé y Príncipe | Seixeles | Senegal | Sierra Lleona | Somalia | Suazilandia | Sudáfrica | Sudán | Sudán del Sur | Tanzania | Togu | Tunicia | Uganda | Xibuti | Zambia | Zimbabue
Dependencies: Islles Kerguelen | Mayotte | Reunión | El Sáḥara Occidental | Socotra | Tromelin |
