Camín de Santiago (galaxa)

Pa ver otros usos d'esti términu, Camín de Santiago (dixebra).

El Camín de Santiago ye la galaxa onde afáyase'l Sistema Solar y a cuenta d'ello, La Tierra. Según les observaciones, caltién una masa de 10¹² mases solares y ye, mui dablemente, una espiral barrada. Con un diámetru mediu d'unos 100.000 años lluz calcúlase que caltién ente 200.000 y 400.000 millones d'estrelles. La distancia dende'l Sol al centru de la galaxa ye d'alrodiu unos 27.700 años lluz (8,5 kpc)

Nome

El nome de Vía Lláctea remanez del Llatín y significa camín de lleche. Foi denomada asina pol aldéu a una estaya llechosa de lluz sonce, que traviesa'l cielu nocherniegu de llau a llau. Según la mitoloxía griega, el so orixe débese a la lleche salía del pechu de Hera, la esposa de Zeus. Na realidá, esta estaya nun ye más que la lluz allanciada pol conxuntu d'estrelles qu'ensamen el cercu galácticu.

El nome n'asturianu normativu ye Camín de Santiago entá que tamién conozse como camín d'Uviéu.

La nuesa galaxa forma parte d'un conxuntu d'unes cuarenta galaxes denomáu Grupu Llocal. Darréu de les curves de rotación que presenta, camiéntase que gran parte de la masa del Camín de Santiago materia escuro.

Cultura popular

N'Asturies, el nome recoyíu popularmente ye'l de Carreru de Santiago, ("Camino de Santiago" n'español), darréu que-yos valía p'aldase a los pelegrinos de nueche. N'otres cultures el nome tamién ta venceyáu a caminos. Asina, los viquingos creyíen que-yos llevaba al Walhalla, destín de les ánimes de los muertos, y los celtes creyíen qu'empobinaba al castiellu de la Reina de les faes. N'otros casos, como nes alegoríes chines y nipones, refiérense a élli como un ríu de plata celestial.

Referencies

Enllaces esternos

Wikimedia Commons tien conteníu multimedia tocante a Camín de Santiago (galaxa).
Proyeutu Celestia Archiváu 2006-08-29 en Wayback Machine (castellán)