Materia escuro

Materia escuro
	entidad hipotética (es)
Parte de	universu, Universu observable y hidden sector (en)
Carauterístiques	masa gravitacional (es)

N'astrofísica y cosmoloxía denómase materia escuro a la materia hipotética de composición desconocía, que nun irradia o reflexa suficiente radiación electromagnética pa ser adicada direutamente colos medios téunicos actuales, pero la so esitencia pue albidrase a partir de los efeutos gravitacionales que causen na materia allupable tales como les estrelles o les galaxes, asina como nes anisotropíes del fondu cósmicu de microondes. Nun hai de trafulcar la materia escuro cola enerxía escuro.

Descubrimientu de la materia escuro

La hipótesis de la esistencia de la materia escuro plategose por primer vegada pol astrofísicu suizu Fritz Zwicky. En 1933 Zwicky estimó la masa de galaxes en cúmulos (sofitándose nel númberu d'estrelles y el so rellumu) y midió les velocidaes a les que se movíen les galaxes. La masa calculada teniendo en cuentes les velocidaes de les galaxes yera enforma superior a la estimada considerando namái les estrelles. Esto ye lo que se conoz como'l "problema de la masa perdío". Sofitándose nestes conclusiones, Zwicky propunxo que tenía d'haber dalguna otra mena de materia esistente na galaxa que nun yera columbrable nin detectable, y que-y apurría al conxuntu suficiente masa y gravedá pa caltener xunida la galaxa.

Dende esi intre, entamó la gueta pola fonte d'esa atraición gravitatoria. Anguaño, la densidá del Universu (ensin cuntar la materia escuro), tá estimada n'alrodiu d'un átomu d'Hidróxenu por metru cúbicu d'espaciu vacíu. Esto nun ye densidá suficiente pa que'l universu allúi o afare sobro sí mesmu. Camiéntase que la materia escuro representa el 90-95 por cientu de tola materia nel Universu. Esto significa que namái el 5-10% de tola materia ye adicable.

Enllaces rellacionaos

Referencies

Enllaces esternos

Wikimedia Commons tien conteníu multimedia tocante a Materia escuro.

Materia escuro
entidad hipotética ^(es)

Parte de	universu, Universu observable y hidden sector ^(en)
Carauterístiques	masa gravitacional ^(es)