Cambridge (Massachusetts)

Cambridge ye una ciudá del condáu de Middlesex, nel estáu de Massachusetts, nos Estaos Xuníos. Forma parte del área metropolitana de Boston y en 2018 tenía, según la estimación de la Oficina del Censu d'Estaos Xuníos, una población de 118.977 habitantes. Yera, hasta que'l sistema de gobiernu llocal basáu en condaos foi abolíu en Massachusetts en 1997, una de les dos sedes alministratives del condáu de Middlesex. Asitiada al norte de Boston, na oriella contraria del ríu Charles, recibió'l so nome n'honor de la universidá inglesa de Cambridge, que yera cuando la so fundación un importante centru de teoloxía de la doctrina calvinista (puritana) que siguíen los fundadores de la ciudá.

Cambridge
Alministración
PaísBandera de Estaos Xuníos d'América Estaos Xuníos
EstaosBandera de Massachusetts Massachusetts
Condáu condáu de Middlesex
Tipu d'entidá ciudá de los Estaos Xuníos
Cabezaleru/a del gobiernu Sumbul Siddiqui (en) Traducir
Nome oficial Cambridge (en)
Nome llocal Cambridge (en)
Códigu postal 02138–02142
Xeografía
Coordenaes 42°22′30″N 71°06′22″W / 42.375°N 71.1061°O / 42.375; -71.1061
Cambridge alcuéntrase en los EE.XX.
Cambridge
Cambridge
Cambridge (los EE.XX.)
Superficie 18.418614 km²
Altitú 12 m
Llenda con
Demografía
Población 118 403 hab. (1r abril 2020)
Porcentaxe 100% de condáu de Middlesex
1.68% de Massachusetts
0.04% de Estaos Xuníos
Densidá 6428,44 hab/km²
Viviendes 47 449 (31 avientu 2020)
Más información
Fundación 1630
Prefixu telefónicu 617
Estaya horaria UTC−05:00 (horariu estándar)
UTC−04:00 (horariu de branu)
Llocalidaes hermaniaes
cambridgema.gov
Cambiar los datos en Wikidata
Edificiu del Ray and Maria Stata Center, de Frank Gehry, nel campus del Institutu Teunolóxicu de Massachusetts.

La ciudá, que la so economía taba venceyada al sector industrial hasta entamos del sieglu XX, vive anguaño alrodiu de les prestixoses instituciones educatives que s'asienten nella: la Univérsidá de Harvard, con casi 12.000 trabayadores, y l'Institutu Teunolóxicu de Massachusetts, con más de 8.700, son los principales empleadores de la ciudá. Nos caberos años tán asentándose nella importantes empreses de los sectores de les nueves tecnoloxíes (Google, IBM Research, Microsoft Research, Philips Research), comerciu online (Staples, Amazon) y farmacéuticu (GlaxoSmithKline, AstraZeneca, Shire y Pfizer).

Skyline de Cambridge dende la ponte de Harvard en payares de 2016. A la manzorga la Gran Cúpula del campus del Institutu Teunolóxicu de Massachusetts.


Referencies editar

Enllaces esternos editar