Gran Boston

El Gran Boston ye una rexón metropolitana de Nueva Inglaterra, nos Estaos Xuníos, que compriende la ciudá de Boston, nel estáu estauxunidense de Massachusetts[1], y la so rodiada. La rexón forma l'arcu septentrional de la megalópolis del noreste d'Estaos Xuníos y, puede ser descrita como área estadística metropolitana o como área estadística combinada. La primera, nomada oficialmente pola Oficina d'Alministración y Presupuestu Área Estadística Metropolitana de Boston-Cambridge-Newton, compriende'l terciu oriental de Massachussets, sacante los condaos de la South Coast y cabu Cod; concretamente, los condaos de Norfolk, Plymouth, Suffolk, Middlesex y Essex en Massachusetts, y los de Rockingham y Strafford en New Hampshire. La segunda, nomada oficialmente Área Estadística Combinada de Boston-Worcester-Providence, inclúi amás:

  • l'área estadística metropolitana de Providence-Warwick, que compriende los condaos de Bristol, en Massachussets, y de Bristol, Kent, Newport, Providence y Washington, en Rhode Island.
  • l'área estadística metropolitana de Worcester, qu'inclúi'l condáu homónimu, en Massachussets.
  • l'área estadística metropolitana de Manchester-Nashua, que compriende'l condáu de Hillsborough, en New Hampshire.
  • l'área estadística metropolitana de Barnstable Town, que compriende'l condáu homónimu, en Massachusetts.
  • l'área estadística micropolitana de Concord, que compriende'l condáu de Merrimack, en New Hampshire.
  • l'área estadística micropolitana de Laconia, que compriende'l condáu de Belknap, en New Hampshire.
Blue globe icon.svgGran Boston
Panoramic Boston.jpg
Alministración
PaísBandera de Estaos Xuníos d'América Estaos Xuníos
EstaosBandera de Massachusetts Massachusetts
Tipu d'entidá rexón xeográfica
Nome llocal Greater Boston
Xeografía
Coordenaes 42°21′30″N 71°03′49″O / 42.3582°N 71.0637°O / 42.3582; -71.0637Coordenaes: 42°21′30″N 71°03′49″O / 42.3582°N 71.0637°O / 42.3582; -71.0637
Gran Boston alcuéntrase en los EE.XX.
Gran Boston
Gran Boston
Gran Boston (los EE.XX.)
Greaterboston2.png
Demografía
Más información
Estaya horaria UTC−05:00 y UTC−04:00
Cambiar los datos en Wikidata

Más del 80% de la población de Massachussetts vive nel Gran Boston. L'área estadística metropolitana tenía una población estimada, en 2018, de 4.875.390 habitantes, que facíen d'ella la décima mayor del país. Nel territoriu que compriende l'área estadística combinada vivíen, nesa fecha, 8.285.407 persones, que la convierten na sesta mayor del país[2].

Nel so territoriu asiéntense delles de les instituciones educatives más importantes del mundu, como la Universidá de Harvard y l'Institutu Teunolóxicu de Massachussets, y tamién munchos llugares importantes pa la cultura y la historia estauxunidense. Asina, Plymouth foi el llugar nel que se formó la primer colonia de Nueva Inglaterra, que poblaron los pasaxeros del Mayflower. En 1692, na ciudá de Salem, tuvo llugar ún de los casos más famosos d'histeria colectiva de la historia del país, los Xuicios de Salem[3]. A finales del sieglu XVIII Bostón foi conocida como Cuna de la Llibertá (Cradle of Liberty)[4] pol papel principal que tuvo nes revueltes que desembocaron na Revolución de les Trece Colonies. Dempués, demientres el sieglu XVIII, la ciudá foi un centru comercial perimportante, y el centru de los movimientos abolicionista[5], por la templanza[6] y trescendentalista[7]. En 2004 Massachussets convirtiose nel primer estáu del país en reconocer, de resultes d'una decisión del so Tribunal Supremu, el matrimoniu ente persones del mesmu sexu[8]. La Kendall Square de Cambridge tien sío llamada «la milla cuadrada más innovadora del mundu» pola alta concentración d'emprendedores y empreses de la economía dixital que surdieron de la rodiada de la plaza dende 2010.

Principales ciudaes del áreaEditar

Ciudad 2014

population

Boston 655.884
Worcester 183.016
Providence 179.154
Manchester 110.448
Lowell 109.945
Cambridge 109.694
New Bedford 94.845
Brockton 94,779
Quincy 93.397
Lynn 92.137
Fall River 88.712
Newton 88.287
Nashua 87.259
Warwick 81.963
Cranston 81.037
Somerville 78.901
Lawrence 78.197
Pawtucket 71.499
Framingham 70.068
Waltham 63.014

Ver tamiénEditar

ReferenciesEditar

  1. «U.S. Gazetteer: Censu de 2010» (inglés). Oficina del Censu de los Estaos Xuníos (16 de febreru de 2011). Consultáu'l 2 de mayu de 2013.
  2. County Population Totals and Components of Change: 2010-2018. United States Census Bureau.
  3. The 1692 Salem Witch Trials, na web del 1692 Salem Witch Museum.
  4. Faneuil Hall, na web celebrateboston.com.
  5. Images of the Antislavery Movement in Massachusetts, na web masshist.org.
  6. The Temperance Issue in the Election of 1840: Massachusetts, na web teachushistory.org.
  7. Packer, B, The trascendentalists. University of Georgia Press, 2007. ISBN 978-0820329581
  8. Massachusetts court strikes down ban on same-sex marriage, na web cnn.com (18 de payares de 2003).