Campus de Mieres

El Campus de Mieres ye ún de los campus de la Universidá d'Uviéu, allugáu na ciudá de Mieres (Asturies). N'él atopábanse nos entamos dos escueles d'inxeniería (de les que sólu caltendrase una), el Centru d'Innovación de la Universidá d'Uviéu, el Centru Europeu de Soft Computing ya'l rexistru auxiliar de la universidá. Amás alcuéntrase nel so interior l'INDUROT, Institutu de Desendolcu Urbanu y d'Ordenación del Territoriu.

Campus de Mieres
campus
Llocalización
País	España
Autonomía	Principáu d'Asturies
Provincia	provincia d'Asturies
Conceyu	Mieres
Coordenaes	43°14′29″N 5°46′36″W
Campus de Mieres Campus de Mieres (Asturies)
Historia y usu
Apertura	2 xunu 2002
Web oficial

Tamién ye conocíu como Campus de Barréo, por tar na fastera que, n'anguaño, ocupaben les istalaciones d'esterior del Pozu Barréo.

Historia

La hestoria del Campus de Mieres tien les sos raices na ciudá na antigua Escuela de Capataces de Mines de Mieres (precursora de la que ye güei la Escuela Universitaria d'Inxenierías Téuniques de Mieres), fundada nel 1854 por Guillermo Schulz y que entama la so actividá nel 1855 col primer cursu de capataces de mines.

L'actual Campus universitariu surde comu entamu de las sindicatos mineros asturianos, dientru de les obres financiaes colos nomados «fondos mineros». Pal primer edificiu, nomáu Edificiu Científicu-Teunolóxicu, seleicionáronse los terrenos de les instalaciones d'exterior del Pozu Barréu (en concretu la plaza de la madera), dientru del cascu urbanu de Mieres. Esti pozu, que hebía pertenecíu a HUNOSA, hebía fináu la so actividá productiva nel añu 1995

Les obres entamaron nel añu 1998 y foi inauguráu el 10 de xunetu de 2002, pol príncipe Felipe, acompañáu pol presidente del Principáu d'asturies, Vicente Álvarez Areces; el ministru d'Economía, Rodrigo Rato; el reutor, Xuan Vázquez; l'alcalde de Mieres, Misael Fernández Porrón y los secretarios xenerales de los sindicatos mineros asturianos Xosé Ánxel Fernández Villa (SOMA-FIA-UXT) y Maximinu García (Federación minera de CC.OO.), ente otres.

Nel momentu de la so inauguración la única construcción nueva yera'l mentáu Edificiu Científicou-Teunolóxicu, que supusu una inversión de 55 millones d'euros y dispón de:

Númberu	Equipamientu
27	Aules
69	Llaboratorios
150	Despachos
2	Biblioteques
1	Salón d'actos
1	Sala de graos
21	Despachos pa Direición y Alministración
2	Cafeteríes/comedor
4	Aparcamientos interiores
2	Aparcamientos exteriores

con un total de 25.698 m².

Centros

L'Edificiu Científicu-Teunolóxicu acoye los centros de la Escuela Universitaria d'Inxenierías Téuniques de Mieres (EUITM) y la Escuela Politéunica Superior "Guillermo Schulz". Nel primeru d'ellos, dirixíu dende'l 2003 por Antonio Bernardo Sánchez, impártense los estudiospa algamar la titulación d'Inxenieru Téunicu de Mines nes especialidaes d'Esplotación de Mines, Instalaciones Lleutromecániques Mineres, Mineralurxa y Metalurxa y Sondeos y Prospecciones Mineres; Inxenieru Téunicu Forestal, especialidá d'Esplotaciones Forestales ya Inxenieru Téunicu en Topógrafía. Na nomada Escuela Politéunica Superior impartese namás que'l 2º ciclu d'Inxenieru xeólogu. Dambos centros tebieron una griesca de desigual xeitu al nomáu procesu de Boloña, dau que la EUITM tresforma tolos sos estudios nos graos que correspuenden y camuda'l so nome a "Escuela Politéunica de Mieres", demientres que la "Guillermo Schulz" desapaz tres refugar a tresformar los sos estudios cediendo a les presiones de la Facultá de Xeología de la mesma universidá, escontra del deséu de los alumnos y egresaos de dichu centru.

Amás, tienen la so sede nel campus el centru propiu del Vicerreutoráu d'Investigación nomáu "Institutu de Recursos Naturales y Ordenación del Territoriu" (INDUROT), el Centru d'Innovación (C1NN), l'European Center for Soft Computing (que aspira a liderar un Master en Soft Computing) y otros grupos d'investigación de diferentes departamentos con desigual presencia na mesma.

Dientru del recintu del campus tamién atópanse les sedes de la Fundación Asturiana de la Enerxía (FAEN) y la Fundación Barréu, de les que la Universidá d'Uviéu ye ún de los patronos. FAEN ocupa parcialmente l'antiguu edificiu de compresores ya subestación llétrica de la mina, rehabilitáu al avíu. Les oficines de la Fundación Barréu tán allugaes nes antigües oficines del pozu. N'ambos casos, l'integración nel Campus non ha pasáu de la propia situación física, al non concretase aiciones positives coles Escueles o grupos activos nel Campus.

Ampliación del Campus

El 21 de payares de 2006 el presidente del Principáu d'Asturies, Vicente Álvarez Areces y el reutor de la Universidá d'Uviéu, Xuan Vázquez, presentaron en Mieres los proyeutos pela ampliación del Campus. Ente les obres a facer destaquen:

• Un edificiu pa residencia d'estudiantes y servicios alministrativos
• Un edificiu pa investigación "Pozu Barréu"
• Una zona deportiva
• Un parque temáticu sobre l'arqueoloxía industrial minera de Mieres

Les obres tienen un plazu d'execución de 2 años y un presupuestu total de 68 millones d'euros. Asina mesmu, hai que dicir que nesta fas intentarase finar l'equipamientu n'aquéllos llaboratorios que nun s'equiparon al entamu de xeitu adecuáu, asina comu aquéllos pertenecientes a nuevos grupos d'investigación que se comprometieron a fixar la so actividá en dichu Campus ante la posibilidá planteada.

Referencies

3. Los ingenieros geólogos rechazan su exclusión http://www.lavozdeasturias.es/noticias/noticia.asp?pkid=483384 Archiváu 2009-05-11 en Wayback Machine

Enllaces esternos

• Páxina web del Campus de Mieres
• Discursu del Príncipe d'Asturies na inauguración del Edificiu Científicu-Teunolóxicu del Campus de Mieres
• INDUROT

• Datos: Q8261272
• Multimedia: Campus de Mieres